Efnisorð
Tegund

Leita eftir efnisorðum

Sýnir 501–550 af 835
Raða eftir:
09. maí 2018Innviðaráðuneytið, Siglingar, Samgöngur og fjarskipti

Drög að reglugerð um leyfi til rekstrar báta í farþegaflutningum til umsagnar

Samgöngu- og sveitarstjórnarráðuneytið hefur birt til umsagnar í samráðsgátt drög að nýrri reglugerð um leyfi til rekstrar báta í farþegaflutningum. Þar er m.a. brugðist við tillögum rannsóknarnefndar samgönguslysa um aukið öryggi vegna slysa sem orðið hafa um borð í harðbotna slöngubátum (RIB). Umsagnarfrestur er til og með 25. maí.

30. apr. 2018Netöryggi, Samgöngur og fjarskipti, Innviðaráðuneytið

Úttekt Oxford-háskóla á stöðu netöryggis og aðgerðir til eflingar þess

Oxford-háskóli, sem var fenginn í júní 2017 til að gera úttekt á stöðu netöryggis í íslensku samfélagi, hefur skilað ítarlegri úttekt sinni. Þar er að finna ráðleggingar til úrbóta sem ráðuneyti og stofnanir hafa þegar tekið til skoðunar og ákvörðunar varðandi skipulag næstu skrefa. Mikilvægt er að þeim sé fylgt vel eftir því flestir innviðir nútímasamfélags byggja beint eða óbeint á fjarskipta- og upplýsingatækni.

27. apr. 2018Innviðaráðuneytið, Vegasamgöngur, Samgöngur og fjarskipti

Ríkisstjórnin úthlutar fjórum milljörðum króna til brýnna vegaframkvæmda

Ríkisstjórnin samþykkti á fundi sínum í morgun tillögu samgöngu- og sveitarstjórnarráðherra og fjármála- og efnahagsráðherra um að veita fjögurra milljarða króna framlag til brýnna vegaframkvæmda árið 2018 úr almennum varasjóði sem fjármála- og efnahagsráðherra fer með. Sú staða sem nú er uppi varðandi slæmt ástand vegakerfisins og viðbótarviðhaldsþörf hefur jafnframt áður verið rædd í ráðherranefnd um ríkisfjármál.

16. apr. 2018Innviðaráðuneytið, Samgöngur og fjarskipti, Almannaöryggi

Drög að breytingu á reglugerð um framkvæmd siglingaverndar í umsagnarferli

Samgöngu- og sveitarstjórnarráðuneytið hefur nú birt til umsagnar í Samráðsgáttinni drög að breytingu á reglugerð um framkvæmd siglingaverndar. Með drögunum eru lagðar til breytingar sem fela í sér að Samgöngustofa skuli tilnefna stjórnvald hafnaverndar fyrir hverja höfn og það stjórnvald skuli vera ábyrgt fyrir gerð og framkvæmd verndaráætlana. Opið er fyrir innsendingu umsagna til og með 30. apríl nk.

16. apr. 2018Innviðaráðuneytið, Vegasamgöngur, Samgöngur og fjarskipti

Ný reglugerð um hækkun sekta fyrir umferðarlagabrot tekur gildi 1. maí

Sigurður Ingi Jóhannsson samgöngu- og sveitarstjórnarráðherra hefur skrifað undir nýja reglugerð um sektir og önnur viðurlög fyrir umferðarlagabrot. Tekur hún gildi 1. maí næstkomandi. Sektir við umferðarlagabrotum hafa ekki hækkað í rúman áratug og er talin ástæða til að sektarupphæðir fylgi þróun verðlags. Nauðsynlegt er að fjárhæð sekta endurspegli alvarleika umferðarlagabrota og þá hættu sem þau skapa. Sektir við umferðarlagabrotum eru til þess fallnar að veita ökumönnum aukið aðhald og stuðla þannig að auknu umferðaröryggi.

13. apr. 2018Innviðaráðuneytið, Samgöngur og fjarskipti

Ráðgert að hefja vinnu við ný lög um leigubifreiðar með hliðsjón af tillögum starfshóps

Starfshópur sem skipaður var á vegum samgöngu- og sveitarstjórnarráðuneytisins í október á síðasta ári til að endurskoða í heild regluverk um leigubifreiðaakstur á Íslandi hefur skilað skýrslu með tillögum sínum. Starfshópurinn telur m.a. rétt að afnema fjöldatakmarkanir á útgefnum atvinnuleyfum til leigubifreiðaaksturs og að fallið verði frá lögbundinni stöðvarskyldu. Samgöngu- og sveitarstjórnarráðherra hefur með hliðsjón af tillögum starfshópsins tekið ákvörðun um að í ráðuneytinu skuli hefja undirbúning að frumvarpi til nýrra laga um leigubifreiðar með það að markmiði að leggja það fram á haustþingi 2019.

11. apr. 2018Sveitarstjórnir og byggðamál, Fjarskiptasjóður, Fjarskipti, Netöryggi, Samgöngur og fjarskipti, Upplýsingatæknimál ríkisins, Innviðaráðuneytið

Ísland í 1. sæti meðal þjóða heims í upplýsingatækni og fjarskiptum

„Ríkisstjórnin hefur metnað til að Ísland haldi stöðu sinni sem eitt af forysturíkjum heims í fjarskiptainnviðum og nýtingu þeirra í þágu samfélagsins,“ sagði Sigurður Ingi Jóhannsson samgöngu- og sveitarstjórnarráðherra eftir að hafa veitt viðtöku viðurkenningu frá Alþjóðafjarskiptasambandinu (ITU) þar sem Ísland náði þeim árangri að verða í 1. sæti á heimsvísu á einkunnalista sambandsins árið 2017 í upplýsingatækni og fjarskiptum. Houlin Zhao, aðalritari ITU kom hingað til lands til að afhenda viðurkenninguna.

11. apr. 2018Innviðaráðuneytið, Sveitarstjórnir og byggðamál, Samgöngur og fjarskipti, Byggðamál

Aukin áhersla á samgöngu- og byggðamál

Gert er ráð fyrir töluverðri aukningu til málefnasviðs samgöngu- og fjarskiptamála og málefnasviðs sveitarstjórna og byggðamála í tillögu að fjármálaáætlun 2019-2023 ef miðað er við fjármálaáætlun 2018-2022. Aukningin til málefnasviðs samgöngu- og fjarskiptamála nemur alls 13,6 ma.kr. yfir tímabil áætlunarinnar og aukningin á heildarframlagi til málefnasviðs sveitarfélaga og byggðamála alls 791 m.kr.

05. apr. 2018Samgöngur og fjarskipti, Flug og flugvellir, Innviðaráðuneytið

Samgöngu- og sveitarstjórnarráðherra ávarpaði aðalfund Isavia

Sigurður Ingi Jóhannsson, samgöngu- og sveitarstjórnarráðherra, flutti í dag ávarp við upphaf aðalfundar Isavia sem haldinn var í Reykjavík. Fram kom meðal annars í máli hans að samkvæmt fjármálaáætlun næstu ár verður auknu fé varið til viðhalds flugvalla en á liðnum árum. Einnig sagði ráðherra að nú væri að hefjast mótun fyrstu flugstefnu á Íslandi sem muni taka á öllum þáttum í flugstarfsemi.

22. mar. 2018Samgöngur og fjarskipti, Sveitarstjórnir og byggðamál, Fjarskiptasjóður, Fjarskipti, Innviðaráðuneytið

Skrifað undir samninga um ljósleiðarastyrki verkefnisins Ísland ljóstengt

Fulltrúar fjarskiptasjóðs og sveitarfélaga skrifuðu í dag undir 24 samninga um styrki fjarskiptasjóðs vegna ljósleiðaravæðingar sveitarfélaga í tengslum við landsátakið Ísland ljóstengt. Sigurður Ingi Jóhannsson, samgöngu- og sveitarstjórnarráðherra, staðfesti samningana með undirskrift sinni og fór athöfnin fram í ráðuneytinu.

20. mar. 2018Samgöngur og fjarskipti, Vegasamgöngur, Innviðaráðuneytið

Opnaði vef um öryggismat íslenska vegakerfisins

Sigurður Ingi Jóhannsson, samgöngu- og sveitarstjórnarráðherra, opnaði í dag aðgang að vef evrópska vegamatskerfisins EuroRAP á morgunfundi Félags íslenskra bifreiðaeigenda. Félagið hefur frá árinu 2004 unnið reglulega að öryggisúttekt á þjóðvegum á Íslandi og hefur ráðuneytið ásamt öðrum opinberum aðilum og einkaaðilum stutt verkefnið með fjárframlögum.

27. feb. 2018Samgöngur og fjarskipti, Samgönguáætlun, Vegasamgöngur, Innviðaráðuneytið

Staða vegamála og mat á útgjaldaþörf

Sigurður Ingi Jóhannsson samgöngu- og sveitarstjórnarráðherra kynnti stöðu vegamála og mat á útgjaldaþörf á ríkisstjórnarfundi 23. febrúar. Fór hann þar yfir þörfina fyrir nýjar framkvæmdir, viðhald og þjónustu og benti á að fjárframlög til vegaframkvæmda hefðu ekki hækkað í hlutfalli við aukna umferð og auknar kröfur um þjónustu.

23. feb. 2018Fjármála- og efnahagsráðuneytið, Samgöngur og fjarskipti, Efnahagsmál og opinber fjármál

Drög að skýrslu starfshóps um skattlagningu ökutækja og eldsneytis birt á samráðsgátt

Hinn 5. febrúar 2016 skipaði fjármála- og efnahagsráðherra starfshóp sem falið var að taka skattlagningu ökutækja og eldsneytis til endurskoðunar. Nánari upplýsingar um starfshópinn og verkefni hans má finna á vefsíðu stjórnarráðsins. Starfshópurinn hefur átt fundi með nokkrum fjölda haghafa ásamt því sem honum bárust ýmsar upplýsingar og ábendingar eftir að þeirra hafði verið leitað.

16. feb. 2018Samgöngur og fjarskipti, Netöryggi, Innviðaráðuneytið

Fyrirlestur um netöryggisrannsóknir

Dr. Katrin Franke, prófessor í tölvuvísindum og netöryggismálum, heldur fyrirlestur um netöryggisrannsóknir við Tækniháskóla Noregs (NTNU) í Gjøvik og samstarf opinberra aðila og einkaaðila við uppbyggingu þessara rannsókna. Eitt slíkra verkefna sem kynnt verður er uppbygging á nýju æfingasvæði þar sem unnt verður að rannsaka og æfa viðbrögð við samverkandi áhrifum víðtækra netárása.

15. feb. 2018Samgöngur og fjarskipti, Sveitarstjórnir og byggðamál, Fjarskipti, Samgönguáætlun, Innviðaráðuneytið

Drög að lagafrumvarpi til að samræma áætlanir á sviði samgöngu- og sveitarstjórnarráðuneytis til umsagnar

Til umsagnar eru nú hjá samgöngu- og sveitarstjórnarráðuneytinu drög að frumvarpi til laga um breytingar á ýmsum lögum til samræmingar á áætlunum ráðuneytisins: Samgönguáætlun, fjarskiptaáætlun og byggðaáætlun, sem og ný áætlun um stefnu ríkisins á málefnum sveitarfélaga. Unnt er að skoða drögin á samráðsgáttinni um opið samráð stjórnvalda við almenning og senda umsagnir til 1. mars nk.

25. jan. 2018Samgöngur og fjarskipti, Vegasamgöngur, Innviðaráðuneytið

Ráðherra tók þátt í borgarafundi um samgöngumál á Vesturlandi

Opinn fundur um samgöngumál á Vesturlandi fór fram á Akranesi í gær og var Sigurði Inga Jóhannssyni, samgöngu- og sveitarstjórnarráðherra, afhent þar áskorun fundarins um tafarlausar úrbætur á Vesturlandsvegi á Kjalarnesi. Fundurinn var haldinn að frumkvæði bæjarstjórnar Akraness í samvinnu við önnur sveitarfélög á Vesturlandi.

25. jan. 2018Samgöngur og fjarskipti, Flug og flugvellir, Innviðaráðuneytið

Samgöngu- og sveitarstjórnarráðherra heimsótti Isavia

Sigurður Ingi Jóhannsson, samgöngu- og sveitarstjórnarráðherra, heimsótti Isavia á Keflavíkurflugvelli í dag ásamt fylgdarliði. Björn Óli Hauksson, forstjóri Isavia, og nokkrir samstarfsmenn fóru yfir helstu þættina í starfseminni og greindu frá þróunaráætlun og þeirri uppbyggingu sem fyrirsjáanleg er á næstu árum og áratugum vegna aukinna umsvifa í fluginu.

10. jan. 2018Samgöngur og fjarskipti, Siglingar, Innviðaráðuneytið

Áform um lagasetningu vegna innleiðingar alþjóðasamþykktar um vinnuskilyrði farmanna

Samgöngu- og sveitarstjórnarráðuneytið undirbýr nú innleiðingu á alþjóðasamþykkt um vinnuskilyrði farmanna og áformar í því skyni að leggja frumvarp fyrir Alþingi svo unnt verði að fullgilda samþykktina. Frestur til að koma að umsögnum og ábendingum er veittur til og með 25. janúar næstkomandi og skulu þær sendar á netfangið postur@srn.is.

05. jan. 2018Samgöngur og fjarskipti, Vegasamgöngur, Innviðaráðuneytið

Vetrarþjónusta verður aukin á þjóðvegum

Samgöngu- og sveitarstjórnarráðherra hefur ákveðið í samráði við Vegagerðina að auka vetrarþjónustu og hálkuvarnir á ákveðnum köflum á þjóðvegakerfinu í því skyni að bæta umferðaröryggi. Ráðherra og vegamálastjóri hafa að undanförnu kannað með hvaða hætti og hvar helst þarf að bæta þjónustuna og Vegagerðin hefur áætlað kostnað við þessa auknu þjónustu.

07. des. 2017Samgöngur og fjarskipti, Fjarskipti, Innviðaráðuneytið

Áform um lagasetningu um samnýtingu jarðvegsframkvæmda til að greiða fyrir ljósleiðaralagningu

Samgöngu- og sveitarstjórnarráðuneytið undirbýr nú innleiðingu á tilskipun Evrópusambandsins nr. 2014/61/EB og áformar í því skyni að leggja frumvarp fyrir Alþingi er varðar samnýtingu jarðvegsframkvæmda á sviði fjarskipta-, raforku- og veitukerfa. Meginmarkmið tilskipunarinnar snúa að því að draga úr kostnaði við uppbyggingu háhraða fjarskiptaneta.

30. nóv. 2017Fjarskipti, Upplýsingatæknimál ríkisins, Samgöngur og fjarskipti, Innviðaráðuneytið

Reykjavíkurborg og Stjórnarráðið fengu viðurkenningu fyrir bestu vefi ríkisstofnunar og sveitarfélags

Reykjavíkurborg og Stjórnarráðið fengu viðurkenningu fyrir bestu vefi ríkisstofnunar og sveitarfélaga á degi upplýsingartækninnar sem fram fór í dag í Reykjavík. Fjallað var um fjölmargar hliðar vef- og uppýsingatækni á vinnustofu og ráðstefnu UT dagsins sem stóð daglangt.

23. nóv. 2017Samgöngur og fjarskipti, Upplýsingatæknimál ríkisins, Almannaöryggi, Fjarskipti, Netöryggi, Innviðaráðuneytið

UT-dagurinn haldinn 30. nóvember

Dagur upplýsingatækninnar 2017 verður haldinn á Grand hóteli í Reykjavík fimmtudaginn 30. nóvember. Fyrir hádegi fer fram vinnustofa um nýjungar í vefmálum ríkis og sveitarfélaga. Fjallað verður um vefstefnu og lýðræðisleg verkefni Reykjavíkurborgar, nýja samráðsgátt ráðuneytanna og sögð reynslusaga af þróun á nýjum vef stjórnarráðsins. Einnig verður fjallað um niðurstöður úttektarinnar „Hvað er spunnið í opinbera vefi 2017?“ og niðurstöður öryggisúttektar á sömu vefjum.