Efnisorð
Tegund

Leita eftir efnisorðum

Sýnir 551–600 af 2124
Raða eftir:
29. nóv. 2023Menningar-٫ nýsköpunar- og háskólaráðuneytið, Forsætisráðuneytið, Mennta- og barnamálaráðuneytið, Félags- og húsnæðismálaráðuneytið

Ráðherranefnd um málefni íslenskrar tungu kynnir aðgerðir

Aðgerðaáætlun í málefnum íslenskrar tungu verður lögð fram sem þingsályktunartillaga á Alþingi á næstu dögum. Ráðherranefnd um málefni íslenskrar tungu kynnti í dag tillögur sínar að alls 19 aðgerðum sem miða að því að styrkja stöðu tungumálsins til framtíðar.

28. nóv. 2023Menningar-٫ nýsköpunar- og háskólaráðuneytið, Mennta- og barnamálaráðuneytið, Norrænt samstarf, Félags- og húsnæðismálaráðuneytið

Ákall til aðgerða á leiðtogafundi barna og ungmenna

Það var mikill kraftur og spenna í Norðurljósum í Hörpu um helgina þegar að um 170 börn og ungmenni frá Norðurlöndunum komu saman á Norrænum leiðtogafundi barna og ungmenna. Aðgerðaáætlun var samþykkt einróma af fundargestum og afhent stjórnvöldum í lok fundar.

24. nóv. 2023Menningar-٫ nýsköpunar- og háskólaráðuneytið, Mennta- og barnamálaráðuneytið, Félags- og húsnæðismálaráðuneytið, Norrænt samstarf

Norrænn leiðtogafundur barna og ungmenna

Núna er komið að okkur! Fulltrúar barna og ungmenna frá öllum Norðurlöndunum á aldrinum 13–25 ára eru komnir saman í Hörpu á Norrænum leiðtogafundi barna og ungmenna. Þar ræða þeir saman og láta skoðanir sínar í ljós um málefni sem snerta þau eins og frið, skólamál, atvinnu, fordóma, geðheilbrigði, sjálfbærni, umhverfismál, fjölmenningu, tungumál, þátttöku, lýðræði og mannréttindi.

21. nóv. 2023Heilbrigðisráðuneytið, Mennta- og barnamálaráðuneytið, Félags- og húsnæðismálaráðuneytið

Stuðningur við Bergið

Bergið headspace fær styrk frá stjórnvöldum til að veita ungu fólki stuðning og ráðgjöf með áherslu á snemmtæka íhlutun til að stuðla að aukinni virkni og vellíðan. Ásmundur Einar Daðason, mennta- og barnamálaráðherra, Willum Þór Þórsson heilbrigðisráðherra og Guðmundur Ingi Guðbrandsson, félags- og vinnumarkaðsráðherra, undirrituðu samning þess efnis við Bergið í dag.

16. nóv. 2023Mennta- og barnamálaráðuneytið

Ráðstefna: Vinnum gullið – streymi

Mennta- og barnamálaráðuneytið, í samstarfi við ÍSÍ, UMFÍ og Samband íslenskra sveitarfélaga, boðar til ráðstefnunnar Vinnum gullið – ný stefna í afreksíþróttum á Íslandi mánudaginn 20. nóvember kl. 9-16 í Gullteig á Grand Hótel Reykjavík og í streymi. Á ráðstefnunni verða kynnt áform um eflingu afreksíþróttastarfs á Íslandi með bættri aðstöðu, stuðningi og réttindum fyrir afreksíþróttafólk.

15. nóv. 2023Mennta- og barnamálaráðuneytið

Vinnum gullið – staða og réttindi afreksíþróttafólks

Afreksíþróttafólk á Íslandi hefur í gegnum tíðina náð góðum árangri og búið til ógleymanleg augnablik í hjörtum landsmanna. Það skapar jákvæða fyrirmynd og hvetur til árangurs. Hvernig er hægt að ná slíkum árangri og hvernig þarf umhverfi sem íþróttafólk okkar býr við að vera til þess að árangur náist í alþjóðlegri keppni. Aðstaða, lýðréttindi og aðgengi að sérfræðingum á ýmsum sviðum íþrótta verður til umræðu á ráðstefnunni Vinnum gullið – ný stefna í afreksíþróttum á Íslandi mánudaginn 20. nóvember í Hörpu.

15. nóv. 2023Menntamál, Félags- og húsnæðismálaráðuneytið, Innviðaráðuneytið, Mennta- og barnamálaráðuneytið

Reynslunni ríkari - vel heppnað málþing um skólamál

Samband íslenskra sveitarfélaga, mennta- og barnamálaráðuneytið, innviðaráðuneytið og félags- og vinnumarkaðsráðuneytið héldu málþing um skólamál, „Reynslunni ríkari“, þann 30. október 2023. Á málþinginu voru kynntar niðurstöður úttektar á þróun skólastarfs og þjónustu við börn frá því að grunnskólar fluttust frá ríki til sveitarfélaga. Niðurstöðurnar eru mikilvægt innlegg í fyrirhuguðum breytingum á sviði skólamála.

14. nóv. 2023Menntamál, Barnaréttur, Menntastefna, Norrænt samstarf, Mennta- og barnamálaráðuneytið

Streymi frá ráðstefnu – Hvernig getur réttinda- og lýðræðislegt skólaumhverfi unnið gegn hatursorðræðu í skólastofunni?

Hvernig getur réttinda- og lýðræðislegt skólaumhverfi unnið gegn hatursorðræðu í skólastofunni er umfjöllunarefni ráðstefnu sem fer fram 16. nóvember kl. 9:00–15:30 í Hörpu. Mennta- og barnamálaráðuneytið stendur fyrir ráðstefnunni sem er hluti af formennsku Íslands í Norrænu ráðherranefndinni og afmæli Barnasáttmálans sem fagnar 34 ára afmæli 20. nóvember nk.

02. nóv. 2023Menntamál, Menntastefna, Norrænt samstarf, Mennta- og barnamálaráðuneytið, Barnaréttur

Ráðstefna: Hvernig getur réttinda- og lýðræðislegt skólaumhverfi unnið gegn hatursorðræðu í skólastofunni?

Hvernig getur réttinda- og lýðræðislegt skólaumhverfi unnið gegn hatursorðræðu í skólastofunni er umfjöllunarefni ráðstefnu sem fer fram 16. nóvember kl. 9:00–15:30 í Hörpu. Mennta- og barnamálaráðuneytið stendur fyrir ráðstefnunni sem er hluti af formennsku Íslands í Norrænu ráðherranefndinni og afmæli Barnasáttmálans sem fagnar 34 ára afmæli 20. nóvember nk.

31. okt. 2023Mennta- og barnamálaráðuneytið

Aðstoðarmaður mennta- og barnamálaráðherra í tímabundið leyfi frá störfum

Sóley Ragnarsdóttir, aðstoðarmaður mennta- og barnamálaráðherra, verður í tímabundnu leyfi frá störfum frá 1. nóvember 2023 til og með 30. apríl 2024. Ekki verður ráðinn annar aðstoðarmaður fyrir mennta- og barnamálaráðherra á því tímabili. Teitur Erlingsson, sem einnig er aðstoðarmaður mennta- og barnamálaráðherra, heldur áfram störfum.

18. okt. 2023Mennta- og barnamálaráðuneytið

Ráðstefna: Vinnum gullið – ný stefna í afreksíþróttum á Íslandi

Mennta- og barnamálaráðuneytið, í samstarfi við ÍSÍ, UMFÍ og Samband íslenskra sveitarfélaga, boðar til ráðstefnunnar Vinnum gullið – ný stefna í afreksíþróttum á Íslandi mánudaginn 20. nóvember í Gullteig á Grand Hótel Reykjavík og í streymi. Á ráðstefnunni verða kynnt áform um eflingu afreksíþróttastarfs á Íslandi. Fulltrúar íþróttahreyfingarinnar og aðrir gestir ráðstefnunnar munu koma að mótun tillagnanna.

03. okt. 2023Mennta- og barnamálaráðuneytið

Auglýst eftir umsóknum um styrki í þágu farsældar barna

Mennta- og barnamálaráðherra auglýsir eftir umsóknum um styrki frá íslenskum félagasamtökum til verkefna sem varða farsæld og samfélagslega virkni, þar á meðal menntun, frístundir, íþróttir, vernd og réttindi barna. Verkefnin skulu vera í þjónustu við börn og fjölskyldur og snúa m.a. að forvörnum, fyrirbyggjandi aðgerðum og þjónustu er miðar sérstaklega að börnum í viðkvæmri stöðu, þ.m.t. börnum með fjölbreyttan tungumála- og menningarbakgrunn.

27. sep. 2023Mennta- og barnamálaráðuneytið, Menningar-٫ nýsköpunar- og háskólaráðuneytið

Education at a Glance 2023 – starfsnám lykill að aðlögun

Niðurstöður Efnahags- og framfarastofnunarinnar um stöðu menntunar innan OECD-ríkja liggja nú fyrir. Áherslan þetta árið var á starfsnám sem samkvæmt OECD er lykillinn að því að mæta aukinni eftirspurn eftir faglærðu vinnuafli og að aðlagast breytingum á vinnumarkaði. Niðurstöðurnar sýna að mun lægra hlutfall ungmenna hér á landi er í starfsnámi og færri klára námið á tilsettum tíma borið saman við önnur OECD-ríki. Jafnframt sýna þær að hlutfall karlmanna með háskólamenntun er lágt á Íslandi og fer lækkandi.

21. sep. 2023Félags- og húsnæðismálaráðuneytið, Forsætisráðuneytið, Mennta- og barnamálaráðuneytið, Dómsmálaráðuneytið

Úttektarskýrsla ECRI: Jákvæðri þróun á Íslandi fagnað en ákveðin atriði þó talin áhyggjuefni

Sjötta úttektarskýrsla Evrópunefndarinnar gegn kynþáttafordómum og umburðarleysi (European Commission against Racism and Intolerance, ECRI) hefur verið birt. ECRI er sjálfstæður eftirlitsaðili á vegum Evrópuráðsins á sviði mannréttinda. Nefndin fagnar jákvæðri þróun á Íslandi frá því að síðasta úttekt var birt árið 2017 og undirstrikar að framfarir hafi orðið og góðar starfsvenjur verið mótaðar á mörgum sviðum. Þrátt fyrir framfarirnar séu ákveðin atriði þó enn talin áhyggjuefni.

15. sep. 2023Mennta- og barnamálaráðuneytið

Framlengdur umsóknarfrestur fyrir aðra umferð umsókna um styrk til sveitarfélaga vegna barna á flótta

Ákveðið hefur verið að framlengja frest til að sækja um styrk mennta- og barnamálaráðuneytisins til stuðnings sveitarfélögum þar sem börn á flótta eru búsett og er umsóknarfrestur nú 29. september 2023. Styrknum er ætlað að ná til allra barna sem fengið hafa alþjóðlega vernd eða dvalarleyfi af mannúðarástæðum frá 1. janúar 2021 til 31. ágúst 2023. Markmiðið með styrknum er að styðja við móttöku barna sem hafa neyðst til þess að flýja heimaland sitt vegna átaka.

08. sep. 2023Innviðaráðuneytið, Mennta- og barnamálaráðuneytið, Félags- og húsnæðismálaráðuneytið, Menntamál

Reynslunni ríkari – málþing um skólamál

Samband íslenskra sveitarfélaga, mennta- og barnamálaráðuneytið, innviðaráðuneytið og félags- og vinnumarkaðsráðuneytið boða til málþings um skólamál 30. október kl. 9:30–15:30 á Hilton Reykjavík Nordica. Á málþinginu verða kynntar niðurstöður úttektar á þróun skólastarfs og þjónustu við börn frá því að grunnskólar fluttust frá ríki til sveitarfélaga.

05. sep. 2023Menntastefna, Mennta- og barnamálaráðuneytið

Vinna við sameiningu MA og VMA sett af stað

Ásmundur Einar Daðason, mennta- og barnamálaráðherra, Sigríður Huld Jónsdóttir, skólameistari Verkmenntaskólans á Akureyri, og Karl Frímannsson, skólameistari Menntaskólans á Akureyri, héldu í dag fund með starfsfólki og nemendum beggja skóla þar sem kynntar voru tillögur stýrihóps um eflingu framhaldsskóla um sameiningu skólanna tveggja auk þess sem næstu skref í ferlinu voru kynnt.

04. sep. 2023Mennta- og barnamálaráðuneytið

Yfir 1.100 manns tóku þátt í Farsældarþingi

Alls tóku yfir 1.100 manns þátt í Farsældarþingi sem mennta- og barnamálaráðuneytið stóð fyrir í Hörpu í dag, þar af voru um 700 manns á staðnum. Á þinginu fór fram víðtækt samtal fagfólks, þjónustuveitenda, stjórnvalda, barna og aðstandenda um farsæld barna og er þingið mikilvægur liður í stefnumótun og áætlanagerð þegar kemur að innleiðingu laga um farsæld barna. Ásmundur Einar Daðason, mennta- og barnamálaráðherra opnaði þingið og kynnti nýjan vef og mælaborð um farsæld barna.