Efnisorð
Tegund

Leita eftir efnisorðum

Sýnir 151–200 af 235
Raða eftir:
11. apr. 2019Félags- og húsnæðismálaráðuneytið, Formennska Íslands 2019, Norrænt samstarf, Vinnumál

Alþjóðavinnumálastofnunin 100 ára

Alþjóðavinnumálastofnunin (ILO) fagnar 100 ára afmæli í dag og er þess víða minnst, m.a. í höfuðstöðvum Sameinuðu þjóðanna í New York. Grunnurinn var lagður að starfseminni 11. apríl árið 1919 með afgreiðslu skjals sem nokkru síðar varð XIII. kafli friðarsamningsins sem var undirritaður í Versölum 28. júní 1919. Stofnunin varð hluti af Þjóðabandalaginu en hefur verið ein af sérstofnunum Sameinuðu þjóðanna frá árinu 1946.

10. apr. 2019Forsætisráðuneytið, Félags- og húsnæðismálaráðuneytið, Innviðaráðuneytið, Atvinnuvegir, Samgöngur og fjarskipti, Vinnumál, Atvinnuvegaráðuneytið, Heilbrigðisráðuneytið, Mennta- og barnamálaráðuneytið

Viðbrögð stjórnvalda vegna gjaldþrots WOW air

Stjórnvöld hafa brugðist við með fjölmörgum aðgerðum frá því að flugfélagið WOW air hætti starfsemi 28. mars sl. Ráðherrar hafa fundað með fulltrúum vinnumálastofnana og heilbrigðisstofnana.

05. apr. 2019Félags- og húsnæðismálaráðuneytið, Formennska Íslands 2019, Norrænt samstarf, Vinnumál

Tækniþróun kallar á fleiri tæknimenntaðar konur

Þörf verður á fleiri tækni- og verkfræðingum úr röðum kvenna á vinnumarkað framtíðarinnar. Okkur er ekki til setunnar boðið ef ný tækni á ekki að mótast af körlum einum saman. Norrænu vinnumálaráðherrarnir kynntu á árlegum fundi sínum í Safnahúsinu á miðvikudag rannsóknarverkefni sem á að veita svör við því hvernig jafna megi kynjahlutföll meðal þeirra sem hefja nám í verkfræði og tæknifræði.

04. apr. 2019Félags- og húsnæðismálaráðuneytið, Formennska Íslands 2019, Norrænt samstarf, Vinnumál

ILO horfir til árangurs Norðurlanda á sviði jafnlaunastefnu og símenntunar

„Það besta við vinnumarkaðslíkan Norðurlanda er að það virkar.“ Þetta sagði Guy Ryder, forstjóri Alþjóðavinnumálastofnunarinnar, á fundi með atvinnumálaráðherrum Norðurlanda í Reykjavík á miðvikudag. Norðurlönd þurfa eins og önnur lönd að leggja sig fram um að viðhalda háu menntunarstigi, félagslegu réttlæti og efnahagslegu öryggi á vinnumarkaði framtíðar en þau hafa þegar tekið veigamikil skref á sviði símenntunar.

04. apr. 2019Félags- og húsnæðismálaráðuneytið, Formennska Íslands 2019, Norrænt samstarf, Vinnumál

Ísland fullgildir samþykkt Alþjóðavinnumálastofnunar (ILO) um vinnuskilyrði farmanna

Ásmundur Einar Daðason, félags- og barnamálaráðherra, afhenti í dag Guy Ryder, forstjóra Alþjóðavinnumálastofnunar, skjal til staðfestingar á fullgildingu Íslands á samþykkt Alþjóðavinnumálstofnunarinnar nr. 186 um vinnuskilyrði farmanna. Guy Ryder er staddur hér á landi í tengslum við norræna ráðstefnu um framtíðarskipan vinnumála og breytingar á vinnumarkaði sem haldin er í Hörpu í tilefni af aldarafmæli Alþjóðavinnumálastofnunarinnar. Hann sat sömuleiðis fund Norrænu ráðherranefndarinnar um vinnumál í Safnahúsinu í gær.

14. des. 2018Félags- og húsnæðismálaráðuneytið, Vinnumál, Félags- og fjölskyldumál

Félagsmálaráðherra skipar í þrjár stöður embættismanna

Ásmundur Einar Daðason, félags- og jafnréttismálaráðherra, hefur ákveðið hverjir munu skipa embætti ráðuneytisstjóra í nýju félagsmálaráðuneyti sem tekur til starfa um áramótin, embætti skrifstofu fjárlaga í ráðuneytinu og embætti forstjóra Vinnueftirlits ríkisins. Einstaklingarnir sem í hlut eiga eru allir starfandi embættismenn en hafa orðið við ósk ráðherra um að taka að sér framangreindar stöður á grundvelli heimildar um flutning embættismanna í starfi í lögum um réttindi og skyldur opinberra starfsmanna.

05. des. 2018Félags- og húsnæðismálaráðuneytið, Vinnumál, Félags- og fjölskyldumál

Samningur um þjónustu Hugarafls

Félags- og jafnréttismálaráðherra fyrir milligöngu Vinnumálastofnunar hefur gert nýjan samning við Hugarafl til tveggja ára um að sinna starfsendurhæfingu fyrir einstaklinga með geðraskanir sem þurfa öflugt utanumhald og eftirfylgd. Sérstök áhersla verður lögð á ungt fólk sem uppfyllir ekki skilyrði fyrir þjónustu lokaðra endurhæfingarúrræða.

14. nóv. 2018Dómsmálaráðuneytið, Vinnumál, Mannréttindi og jafnrétti

Frestur fyrirtækja og stofnana til að öðlast jafnlaunavottun framlengdur um 12 mánuði

Ásmundur Einar Daðason félags- og jafnréttismálaráðherra hefur ákveðið að framlengja um 12 mánuði frest fyrirtækja og stofnana til að öðlast jafnlaunavottun samkvæmt ákvæðum laga um jafna stöðu og jafnan rétt karla og kvenna. Framlengingin tekur til fyrirtækja og stofnana, óháð stærð þeirra. Reglugerð ráðherra þessa efnis tók gildi í dag.

24. okt. 2018Dómsmálaráðuneytið, Mannréttindi og jafnrétti, Vinnumál, Félags- og fjölskyldumál, Félags- og húsnæðismálaráðuneytið

Félags- og jafnréttismálaráðherra skrifar um jafnréttismenningu

Í dag stendur kvennahreyfingin í samstarfi við samtök launafólks fyrir baráttufundi þar sem sjónum er beint að launajafnrétti og öryggi kvenna á vinnustöðum: „Stjórnvöld hafa brugðist við #ég líka hreyfingunni með margvíslegum hætti. Verkefnin miða að fyrirbyggjandi aðgerðum og forvörnum en ekki síst að því hvernig megi skapa raunverulega jafnréttismenningu í samfélaginu.“ ​Ásmundur Einar Daðason, félags- og jafnréttismálaráðherra, fjallar um þessi mál og fleiri tengd jafnrétti kynjanna á vinnumarkaði og önnur mikilvæg verkefni sem varða jafnréttismál í blaðagrein í dag.

03. okt. 2018Félags- og húsnæðismálaráðuneytið, Vinnumál

Auknar eftirlitsheimildir vegna brotastarfsemi á vinnumarkaði

Ásmundur Einar Daðason, félags- og jafnréttismálaráðherra, segist binda vonir við að ný lög sem auka heimildir Vinnueftirlitsins og Vinnumálastofnunar við eftirlit á vinnustöðum og veita víðtækari heimildir til að miðla upplýsingum sín á milli og til ríkisskattstjóra og lögreglu, muni torvelda markvissa brotastarfsemi á vinnumarkaði. Háttsemi af því tagi sem lýst var í fréttaskýringaþættinum Kveiki í gær verði að stöðva og draga þá sem brotin fremja til ábyrgðar.

18. sep. 2018Dómsmálaráðuneytið, Vinnumál, Mannréttindi og jafnrétti

Víðtækt samstarf gegn félagslegum undirboðum á vinnumarkaði

Ríkisstjórnin hefur ákveðið að efna til víðtæks samstarfs til að sporna við félagslegum undirboðum á vinnumarkaði. Velferðarráðuneytið mun leiða vinnuna en að henni munu koma fulltrúar frá fleiri ráðuneytum, eftirlitsaðilum, samtökum launafólks, sveitarfélögum og Samtökum atvinnulífsins. Markmiðið er að skoða mögulegar lagabreytingar og leggja til leiðir sem vænlegar eru til árangurs. Einnig verði sett sameiginleg markmið og mælikvarðar skilgreindir til að meta árangurinn.

01. jún. 2018Félags- og húsnæðismálaráðuneytið, Vinnumál

Félags- og jafnréttismálaráðherra á þingi Alþjóðavinnumálastofnunarinnar (ILO)

Ásmundur Einar Daðason, félags- og jafnréttismálaráðherra, ávarpaði í dag Alþjóðavinnumálaþingið sem nú stendur yfir í Genf. Ráðherra átti einnig fund með Guy Ryder forstjóra ILO og afhenti honum skjal til staðfestingar á því að Ísland hafi fullgilt samþykkt stofnunarinnar nr. 187 um að efla öryggi og heilbrigði við vinnu.

05. apr. 2018Húsnæðis- og mannvirkjamál, Almannatryggingar og lífeyrir, Vinnumál, Félags- og fjölskyldumál, Fjármálaáætlun, Félags- og húsnæðismálaráðuneytið

Fjármálaáætlun 2019-2023: Aukin framlög til félags- og jafnréttismála

Samkvæmt tillögu að fjármálaáætlun fyrir árin 2019-2023 sem ríkisstjórnin hefur kynnt munu útgjöld til verkefna sem heyra undir félags- og jafnréttismálaráðherra nema um 171 milljarði á næsta ári sem er aukning um rúma 11 milljarða frá gildandi fjárlögum.

11. jan. 2018Dómsmálaráðuneytið, Vinnumál, Mannréttindi og jafnrétti

Fullt út úr dyrum á tímamótafundi um vinnuvernd

Katrín Jakobsdóttir forsætisráðherra, Ásmundur Einar Daðason, félags- og jafnréttismálaráðherra, fulltrúar launafólks, atvinnurekenda o.fl. undirrituðu viljayfirlýsingu um aðgerðir gegn einelti, kynferðislegri og kynbundinni áreitni og ofbeldi á vinnustöðum í lok morgunverðarfundar um þessi mál í dag. Á þriðja hundrað manns sóttu fundinn sem einnig var sendur út beint á vefnum.