Efnisorð
Tegund

Leita eftir efnisorðum

Sýnir 251–300 af 1862
Raða eftir:
30. apr. 2026Utanríkismál, Þróunarsamvinna, Sendiráð Íslands í Lilongwe, Utanríkisráðuneytið, Sendiskrifstofa

Nýr kafli í þróunarsamvinnu Íslands og Malaví

Ísland og stjórnvöld í Malaví hafa undirritað samninga um ný verkefni í þremur héruðum Afríkuríkisins til ársins 2028 þar sem m.a. er kveðið á um endurbyggingu grunnskóla, byggingu heilsugæslustöðva og miðstöðva fyrir þolendur kynferðisofbeldis sem og bætt aðgengi að hreinu vatni fyrir þúsundir íbúa landsins. Héruðin sem um ræðir eru Balaka, Machinga og Salima og hafa þarlend stjórnvöld skuldbundið sig til að samfjármagna verkefnin að hluta, sem festir eignarhald og forgangsröðun heimafólks í sessi.

28. apr. 2026Utanríkisráðuneytið, Öryggis- og varnarmál, Utanríkismál

Heimsókn yfirmanns herstjórnar Atlantshafsbandalagsins í Norfolk: lykilstaða Íslands í varnarsamstarfi á Norður-Atlantshafi

Þorgerður Katrín Gunnarsdóttir, utanríkisráðherra, átti fund með Douglas G. Perry, flotaforingja og yfirmanni herstjórnarmiðstöðvar Atlantshafsbandalagsins í Norfolk. Þetta er fyrsta heimsókn hans til landsins eftir að öll Norðurlöndin voru færð á ábyrgðarsvæði herstjórnar Atlantshafsbandalagsins í Norfolk í byrjun desember 2025.

16. apr. 2026Utanríkismál, Þróunarsamvinna, Sendiráð Íslands í Kampala, Utanríkisráðuneytið

Ísland bakhjarl kyn- og frjósemisheilbrigðisverkefnis í Úganda

Ísland tekur ásamt Danmörku og Svíþjóð þátt í stóru verkefni Mannfjöldasjóðs Sameinuðu þjóðanna (UNFPA) í Úganda á sviði kyn- og frjósemisheilbrigðis. Stuðningur Íslands er til þriggja ára og nær verkefnið til níu héraða. Framlagið, sem rúmast innan samþykktra fjárheimilda, verður að stærstum hluta helgað forvörnum og aðgerðum gegn fæðingarfistli.

14. apr. 2026Utanríkismál, Öryggis- og varnarmál, Utanríkisráðuneytið

Að grafa sig í fönn er ekki valkostur

Þorgerður Katrín Gunnarsdóttir utanríkisráðherra segir það ekki valkost fyrir Ísland að grafa sig í fönn við núverandi stöðu alþjóðamála. Í hverfulum heimi á tímum mikillar óvissu eigi þjóðin þess í stað að skoða alla valkosti sem ýtt geta undir öryggi landsins og boðuð þjóðaratkvæðagreiðsla um framhald aðildarviðræðna við Evrópusambandið sé liður í því.

31. mar. 2026Utanríkisráðuneytið, Utanríkismál, Alþjóðamál, Átök fyrir botni Miðjarðarhafs, Mannréttindaráð SÞ, Mannréttindi, Úkraína, Fastanefnd og sendiráð Íslands í Genf, Mannréttindi og jafnrétti

Viðburðaríkri vetrarlotu mannréttindaráðs Sameinuðu þjóðanna lokið

Mannréttindaráð Sameinuðu þjóðanna lauk í dag 61. fundarlotu sinni og er um fjórðu lotu ráðsins að ræða síðan Ísland varð aðildarríki þess. Staða mannréttinda í Mið-Austurlöndum, Úkraínu, Súdan og Suður-Súdan bar hæst í umræðum vetrarlotunnar.

28. mar. 2026Utanríkisráðuneytið, Alþjóðamál, Evrópusamvinna, Öryggis- og varnarmál, Utanríkismál

Utanríkisráðherra fundaði með ráðamönnum í Berlín og heimsótti Alþjóðlega hafréttardóminn í Hamborg

Samskipti Íslands og Þýskalands, efnahagslegt öryggi og þróun innri markaðarins og alþjóða- og öryggismál voru meðal þess sem Þorgerður Katrín Gunnarsdóttir utanríkisráðherra ræddi á fundum sínum með Gunther Krichbaum, Evrópumálaráðherra Þýskalands, og Anton Hofreiter, formanni Evrópumálanefndar þýska sambandsþingsins, í Berlín í gær.

24. mar. 2026Utanríkismál, Þróunarsamvinna, Úkraína, Skólar GRÓ, Utanríkisráðuneytið

Úkraínskir sérfræðingar hlutu jarðhitaþjálfun á Íslandi

Tólf sérfræðingar frá Úkraínu luku vikulangri þjálfun í Jarðhitaskóla GRÓ á föstudaginn, þar sem þau fræddust um alla þætti er varða þróun jarðhita, frá rannsóknum að beinni nýtingu. Þá hlutu þau fræðslu um gerð viðskiptalíkana, umhverfisþætti og lagaumhverfið, en þjálfun þeirra lauk með heimsóknum í Hellisheiðarvirkjun, Carbfix, Landbúnaðarháskólann í Hveragerði og Friðheima.

23. feb. 2026Mannréttindi og jafnrétti, Utanríkismál, Mannréttindaráð SÞ, Mannréttindi, Fastanefnd og sendiráð Íslands í Genf, Utanríkisráðuneytið

Virðing fyrir alþjóðalögum og mannréttindum er tilvistarspursmál fyrir Ísland

Þorgerður Katrín Gunnarsdóttir utanríkisráðherra ávarpaði mannréttindaráð Sameinuðu þjóðanna í dag, en nú stendur yfir árleg ráðherravika ráðsins í Genf. Þar kom hún á framfæri áhyggjum sínum af stöðu mannréttindamála á heimsvísu. Ráðherra sagði síðasta ár hafa verið afar krefjandi fyrir alþjóðakerfið í skugga átaka víða um heim og þverrandi virðingu fyrir alþjóðalögum.

17. feb. 2026Utanríkismál, Alþjóðamál, Utanríkisviðskipti, Utanríkisráðuneytið

Utanríkisráðherra fundaði með japönskum starfsbróður sínum

Þorgerður Katrín Gunnarsdóttir utanríkisráðherra er stödd í opinberri vinnuheimsókn í Japan. Á fundi sem hún átti með Toshimitsu Motegi, utanríkisráðherra Japans, í dag var rætt um tvíhliða samskipti Íslands og Japans, viðskiptamál, öryggismál í Evrópu, norðurslóðamál og stöðuna á Indó-Kyrrahafssvæðinu.

12. feb. 2026Utanríkismál, Öryggis- og varnarmál, Úkraína, Fastanefnd Íslands hjá NATO, Utanríkisráðuneytið

Stuðningur við Úkraínu og aukin árvekni á norðurslóðum til umræðu á varnarmálaráðherrafundi Atlantshafsbandalagsins

Fæling og varnir Atlantshafsbandalagsins, Atlantshafstengslin, öryggismál á norðurslóðum, aukin framlög til varnarmála og áframhaldandi stuðningur við varnarbaráttu Úkraínu voru mál í brennidepli á fundi varnarmálaráðherra Atlantshafsbandalagsins, sem lauk í Brussel í dag. Þorgerður Katrín Gunnarsdóttir utanríkisráðherra tók þátt í fundinum.