Efnisorð
Tegund

Leita eftir efnisorðum

Sýnir 2501–2550 af 3245
Raða eftir:
27. feb. 2020Utanríkisráðuneytið, Fjármála- og efnahagsráðuneytið, Atvinnuvegaráðuneytið

Nýr samningur um þjónustu Íslandsstofu

Utanríkis- og þróunarsamvinnuráðherra, ferðamála-, iðnaðar- og nýsköpunarráðherra, fjármála- og efnahagsráðherra og framkvæmdastjóri Íslandsstofu undirrituðu í dag nýjan þjónustusamning um starfsemi Íslandsstofu. Nýi samningurinn liggur til grundvallar starfsemi Íslandsstofu til þess að efla ímynd og orðspor Íslands, styrkja samkeppnisstöðu íslensks atvinnulífs á erlendum mörkuðum og laða erlenda ferðamenn og fjárfestingu til landsins.

25. feb. 2020Utanríkisráðuneytið, Mannréttindi, Mannréttindi og jafnrétti, Utanríkismál

Málefni hinsegin fólks og gagnrýni á Venesúela efst á baugi í ræðu utanríkisráðherra

Guðlaugur Þór Þórðarson, utanríkis- og þróunarsamvinnuráðherra, gagnrýndi stjórnvöld í Venesúela harðlega í ávarpi sínu í mannréttindaráði Sameinuðu þjóðanna í dag. Þá lagði hann sérstaka áherslu á réttindi hinsegin fólks og að ekki væri hægt að una því að samkynhneigð sé víða skilgreind sem glæpur. Guðlaugur Þór átti einnig fund með Michelle Bachelet, mannréttindafulltrúa Sameinuðu þjóðanna.

24. feb. 2020Utanríkisráðuneytið, Mannréttindi, Utanríkismál, Jafnrétti, Evrópusamvinna, Mannréttindi og jafnrétti, UNHCR

Guðlaugur Þór ræddi mannréttindi við utanríkisráðherra Sádi-Arabíu

Guðlaugur Þór Þórðarson utanríkis- og þróunarsamvinnuráðherra skoraði á utanríkisráðherra Sádi-Arabíu að láta baráttufólk fyrir mannréttindum tafarlaust úr haldi á fundi þeirra í Genf nú síðdegis. Guðlaugur Þór tekur þátt í 43. lotu mannréttindaráðs Sameinuðu þjóðanna sem hófst í dag. Hann átti einnig fundi með fulltrúum Sameinuðu þjóðanna og annarra ríkja.

19. feb. 2020Utanríkisráðuneytið, Netöryggi, Norðurslóðir, Öryggis- og varnarmál, Utanríkismál

Netvarnir ofarlega á baugi í Eistlandsheimsókn utanríkisráðherra

Öryggis- og alþjóðamál, tvíhliða samskipti, norðurslóðamál og þróunarsamvinna voru á meðal umræðuefna á fundi Guðlaugs Þórs Þórðarsonar utanríkis- og þróunarsamvinnuráðherra og Urmas Reinsalu, utanríkisráðherra Eistlands, í Tallinn í dag. Guðlaugur Þór átti fundi með fleiri eistneskum ráðamönnum og heimsótti öndvegissetur Atlantshafsbandalagsins á sviði netvarna.

18. feb. 2020Utanríkisráðuneytið, Norðurslóðir, Öryggis- og varnarmál, Utanríkismál

Utanríkisráðherrar Íslands og Lettlands funduðu í Ríga

Öryggis- og alþjóðamál, tvíhliða samskipti og málefni norðurslóða voru efst á baugi á fundi Guðlaugs Þórs Þórðarsonar utanríkis- og þróunarsamvinnuráðherra og Edgars Rinkēvičs, utanríkisráðherra Lettlands, í Ríga í dag. Utanríkisráðherra átti einnig fundi með forseta Lettlands og varnarmálaráðherra og heimsótti lettneska þjóðþingið.

17. feb. 2020Utanríkisráðuneytið, Utanríkismál, Mannréttindi, Fastanefnd og sendiráð Íslands í Genf, Mannréttindi og jafnrétti, Sendiskrifstofa

Skýrsla um Ísland í mannréttindaráði Sameinuðu þjóðanna

Markmiðin sem lagt var upp með í tengslum við fulla aðild Íslands að mannréttindaráði Sameinuðu þjóðanna náðust í öllum aðalatriðum. Þetta er á meðal niðurstaðna skýrslu sem utanríkisráðuneytið vann eftir að kjörtímabili Íslands í mannréttindaráðinu lauk um áramótin. Utanríkis- og þróunarsamvinnuráðherra segir að viðbrögðin á alþjóðavísu sýni að Ísland hafi staðist þá prófraun sem seta í ráðinu felur í sér.

31. jan. 2020Menningarmál, Utanríkismál, Utanríkisráðuneytið, Aðalræðisskrifstofa Íslands í Winnipeg, Sendiskrifstofa

Úttekt á starfsemi aðalræðisskrifstofunnar í Winnipeg

Í tilefni þess að 20 ár voru liðin frá stofnun aðalræðisskrifstofu Íslands í Manitoba í Kanada, með útsendum starfsmanni í utanríkisþjónustunni, ákvað Guðlaugur Þór Þórðarson utanríkisráðherra í fyrra að fela Halldóri Árnasyni, fyrrverandi formanni Þjóðræknisfélagsins og Snorrasjóðs, að gera úttekt á starfseminni og tillögur um hvernig mætti bæta hana. Úttektin hefur verið kynnt í ríkisstjórn og utanríkismálanefnd verið upplýst.

30. jan. 2020Utanríkisráðuneytið, Sendiráð Íslands í Washington DC, Sendiskrifstofa

Frumvarp um áritanir fyrir íslenska viðskiptaaðila og fjárfesta lagt fram í Bandaríkjaþingi

Mikilvægt skref í átt að bættum aðgangi íslenskra fjárfesta og viðskiptaaðila að bandaríska markaðnum var tekið með framlagningu frumvarps sem, ef samþykkt, mundi auðvelda íslenskum fyrirtækjum að senda stjórnendur og fjárfesta tímabundið til starfa í landinu. Framlagning frumvarpsins kemur í kjölfar fjölda funda utanríkisráðherra með lykilþingmönnum Bandaríkjaþings.

21. jan. 2020Utanríkisráðuneytið, Annað, Skólar GRÓ, Hjálparstarf, Íslensk frjáls félagasamtök, OECD, Sameinuðu þjóðirnar, Þróunarsamvinna, DAC, Sendiráð Íslands í París, Sendiskrifstofa

Hvetur Ísland til að leiða áfram jafnréttisbaráttuna

„Ísland hefur sannarlega verið í forystuhlutverki á sviði jafnréttisbaráttu og ég hvet ykkur til að halda áfram að vera leiðandi á því sviði, öðrum framlagsríkjum til eftirbreytni,“ sagði Susanna Moorehead formaður þróunarsamvinnunefndar OECD, DAC. Hún er stödd hér á landi og flutti erindi á málþingi í Reykjavík í gærkvöldi um framtíð þróunarsamvinnu.

17. jan. 2020Norrænt samstarf, Öryggis- og varnarmál, Utanríkismál, Utanríkisráðuneytið

Stigmögnun ástandsins í Írak og Íran á meðal umræðuefna á fundi norrænna varnarmálaráðherra

Þann 15. janúar sl. tók Sturla Sigurjónsson ráðuneytisstjóri þátt í fjarfundi norrænu varnarmálaráðherranna í fjarveru utanríkisráðherra. Varnarmálaráðherrarnir hittast tvisvar á ári á vettvangi NORDEFCO sem er lykilsamstarfsvettvangur Norðurlandanna í öryggis- og varnarmálum.

10. jan. 2020Utanríkisráðuneytið, Annað, Hjálparstarf, Íslensk frjáls félagasamtök, neyð, Þróunarsamvinna, Fjölþjóðastofnanir

Tæplega 190 milljónir í boði fyrir félagasamtök

Utanríkisráðuneytið hyggst úthluta 186,5 milljónum króna til félagasamtaka á þessu ári vegna verkefna á sviði þróunarsamvinnu og mannúðarmála. Af þessari fjárhæð á að ráðstafa 121 milljón króna til mannúðarverkefna og 62,5 milljónum til þróunarsamvinnuverkefna. Opið er fyrir umsóknir allt árið til mannúðarverkefna, með fyrirvara um að fjárheimildir kunni að vera fullnýttar áður en árið er liðið, en umsóknarfrestur um styrki til þróunarsamvinnuverkefna er til mánudagsins 16. mars.

06. jan. 2020Utanríkisráðuneytið, Sendiráð Íslands í Nýju Delhi, Utanríkismál, Sendiskrifstofa

Opnað fyrir móttöku umsókna um Schengen-áritanir í þremur indverskum borgum

Sendiráð Íslands í Nýju-Delí opnaði í dag móttöku fyrir umsóknir um Schengen-vegabréfsáritanir til Íslands í þremur borgum á Indlandi með milligöngu þjónustufyrirtæksins VFS Global. Ísland hefur að undanförnu tekið í auknum mæli ábyrgð á útgáfu Schengen-áritana á Indlandi og í Kína.

31. des. 2019Utanríkisráðuneytið, Utanríkismál

Áramótaannáll utanríkisþjónustunnar

Árið 2019 hefur verið vægast sagt viðburðaríkt í íslensku utanríkisþjónustunni. Þar ber líklega hæst framgöngu Íslands sem kjörins fulltrúa í mannréttindaráði Sameinuðu þjóðanna, heimsóknir varaforseta og utanríkisráðherra Bandaríkjanna og formennsku í Norðurskautsráðinu og norrænni samvinnu og stjórnarseta í Alþjóðabankanum. Eftirfarandi samantekt er byggð á fréttum úr utanríkisþjónustunni sem birst hafa á vef Stjórnarráðsins undanfarna tólf mánuði en nánar má lesa um það sem á daga okkar hefur drifið í einstökum fréttum, í föstudagspóstum og á samfélagsmiðlum.

16. des. 2019Utanríkisráðuneytið, Þróunarsamvinna, Utanríkismál, Heimsmarkmiðin, Sendiráð Íslands í París, Sendiskrifstofa

Ísland og UNESCO gera samkomulag um Þekkingarmiðstöð þróunarsamvinnu

Guðlaugur Þór Þórðarson utanríkisráðherra og Audrey Azoulay, aðalframkvæmdastjóri Menningarmálastofnunar Sameinuðu þjóðanna UNESCO, undirrituðu í dag samkomulag um að Þekkingarmiðstöð þróunarsamvinnu starfi undir merkjum UNESCO sem sjálfstæð stofnun. Í miðstöðinni koma saman fjórir skólar sem starfræktir hafa verið á Íslandi.