Efnisorð
Tegund

Leita eftir efnisorðum

Sýnir 301–350 af 590
Raða eftir:
08. mar. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Starfi sendinefndar utanríkisráðuneytisins í Kaíró lokið

72 dvalarleyfishafar frá Gaza komu til landsins í dag og hafa nú sameinast fjölskyldum sínum. Undanfarnar vikur hefur sendinefnd utanríkisráðuneytisins verið við störf í Egyptalandi til að greiða fyrir ferð hópsins yfir Rafah-landamærin, en til þess hefur þurft samþykki bæði egypskra og ísraelskra stjórnvalda.

08. mar. 2024Utanríkisráðuneytið, Alþjóðamál, Evrópusamvinna, Utanríkismál

Málefni EES rædd á Alþingi

Árleg skýrsla um framkvæmd EES-samningsins var til umræðu á Alþingi í gær en þetta er í fjórða skipti sem skýrsla af þessu tagi er gefin út. Bjarni Benediktsson utanríkisráðherra mælti fyrir skýrslunni og í kjölfarið fóru fram umræður um stöðu EES-samstarfsins og helstu málefni á vettvangi Evrópusamvinnunnar en samhljómur var í umræðunni um mikilvægi EES-samstarsfins. Í ár eru 30 ár liðin frá því að EES-samningurinn tók gildi.

28. feb. 2024Mannréttindi og jafnrétti, Utanríkismál, Alþjóðamál, Átök fyrir botni Miðjarðarhafs, Mannréttindi, Úkraína, Utanríkisráðuneytið, Mannréttindaráð SÞ

Utanríkisráðherra ávarpaði mannréttindaráð Sameinuðu þjóðanna

Ráðherravika 55. lotu mannréttindaráðs Sameinuðu þjóðanna stendur nú sem hæst í Genf. Aðalframkvæmdastjóri og mannréttindafulltrúi Sameinuðu þjóðanna ávörpuðu ráðið við upphaf lotunnar í vikunni, en Bjarni Benediktsson utanríkisráðherra flutti ræðu Íslands í gegnum fjarfundarbúnað í gær.

22. feb. 2024Dómsmálaráðuneytið, Alþjóðamál, Úkraína, Útlendingar

Dómsmálaráðherra framlengir beitingu 44. gr. laga um útlendinga nr. 80/2016

Dómsmálaráðherra hefur tekið ákvörðun um að framlengja ákvörðun um beitingu 44. gr. laga um útlendinga um sameiginlega vernd vegna fjöldaflótta í kjölfar innrásar Rússlands í Úkraínu til og með 2. mars 2025. Upphaflega var ákvörðun um beitingu ákvæðisins tekin þann 4. mars 2022 og gilti til eins árs. Hinn 1. febrúar 2023 ákvað ráðherra að framlengja beitingu ákvæðisins um eitt ár, eða til og með 2. mars 2024. Ákvörðun um framlengingu er tekin að undangengnu samráði, innan lands sem utan, þ. á m. við Flóttamannastofnun Sameinuðu þjóðanna.

02. feb. 2024Utanríkisráðuneytið, Alþjóðamál, Evrópusamvinna, Utanríkismál

Starfshópur um gullhúðun EES-reglna óskar eftir ábendingum

Starfshópur um aðgerðir gegn gullhúðun, sem skipaður var af utanríkisráðherra 25. janúar síðastliðinn, hefur tekið til starfa og óskar nú eftir ábendingum í Samráðsgátt um tilvik þar sem gullhúðun hefur verið beitt. Þá er óskað eftir mati viðkomandi á þeim áhrifum sem hlotist hafa af slíkri reglusetningu. Umsagnarfrestur er til 26. febrúar næstkomandi.

30. jan. 2024Utanríkisráðuneytið, Alþjóðamál, Evrópusamvinna, Utanríkismál

Utanríkisráðherra leggur fram skýrslu um bókun 35 við EES-samninginn

Utanríkisráðherra hefur lagt fram á Alþingi skýrslu um bókun 35 við EES-samninginn. Skýrslunni er ætlað að vekja umræðu og kalla fram sjónarmið, á grundvelli fyrirliggjandi upplýsinga og skuldbindinga Íslands samkvæmt EES-samningnum. Í skýrslunni eru dregnir fram nokkrir lykilþættir í forsögu og forsendum málsins til að varpa ljósi á þá stöðu sem Alþingi stendur frammi fyrir nú.

30. jan. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Áframhaldandi stuðningur við UNRWA til skoðunar

Utanríkisráðherra ákvað á föstudag að fresta greiðslu kjarnaframlags til Palestínuflóttamannaaðstoðar Sameinuðu þjóðanna (UNRWA), í kjölfar ásakana um að tólf starfsmenn stofnunarinnar hafi átt aðild að hryðjuverkaárás Hamas 7. október síðastliðinn, þar til samráð hefur verið haft við samstarfsríki og frekari skýringa leitað hjá stofnuninni. Í framhaldi hefur utanríkisráðuneytið verið í virkum samskiptum við Norðurlöndin og önnur samstarfsríki um viðbrögð við málinu og sótti fund varaframkvæmdastjóra UNRWA í gær, mánudag. Þá ræddi ráðherra málið í ríkisstjórn í dag og mun enn fremur eiga fund sama efnis með utanríkismálanefnd Alþingis á morgun.

30. jan. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Viðbótarframlög til Rauða krossins og Alþjóðabankans vegna Palestínu

Bjarni Benediktsson utanríkisráðherra hefur ákveðið að veita viðbótarframlög til Rauða krossins á Íslandi vegna þeirrar neyðar sem nú ríkir fyrir botni Miðjarðarhafs. Þá hefur verið ákveðið að Ísland verði aðili að sjóði á vegum Alþjóðabankans sem styðja mun við enduruppbyggingu og endurreisn innviða í Palestínu.

26. jan. 2024Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Viðbrögð utanríkisráðherra vegna niðurstöðu alþjóðadómstólsins

Íslensk stjórnvöld hafa ítrekað kallað eftir vopnahléi af mannúðarástæðum í yfirstandandi átökum til þess að lina þjáningar íbúa Gaza. Ákvörðun Alþjóðadómstólsins í dag um bráðabirgðaráðstafanir er til marks um þá neyð sem ríkir á Gaza og skyldur stríðandi fylkinga til að vernda borgara.

25. jan. 2024Utanríkismál, Alþjóðamál, Utanríkisráðuneytið

Nýir rammasamningar á sviði mannúðarmála undirritaðir í Genf

Nýir rammasamningar um áframhaldandi stuðning íslenskra stjórnvalda við Neyðarsjóð Sameinuðu þjóðanna (CERF) og Samhæfingarskrifstofu aðgerða Sameinuðu þjóðanna í mannúðarmálum (OCHA) til næstu fimm ára voru undirritaðir í síðustu viku. Einar Gunnarsson, fastafulltrúi Íslands hjá alþjóðastofnunum í Genf, undirritaði samningana fyrir hönd Íslands ásamt Ramesh Rajasingham, yfirmanni OCHA í Genf. OCHA og Neyðarsjóðurinn eru meðal áherslustofnana Íslands á sviði mannúðarmála.

05. jan. 2024Heilbrigðisráðuneytið, Utanríkisráðuneytið, Almannatryggingar og lífeyrir, Utanríkismál, Alþjóðamál, Félags- og húsnæðismálaráðuneytið

Samningur við Bretland um réttindi á sviði almannatrygginga tekur gildi

Samningur Íslands, Liechtenstein og Noregs við Bretland um samræmingu almannatrygginga sem undirritaður var í sumar, tók formlega gildi um áramótin eða 1. janúar sl. Hann kveður á um framtíðarfyrirkomulag réttinda á sviði almannatrygginga, aðallega hvað varðar lífeyrisréttindi og sjúkratryggingar þeirra sem ferðast eða flytjast milli landanna.

20. des. 2023Utanríkisráðuneytið, Alþjóðamál, Þróunarsamvinna, Utanríkismál

Stefna um alþjóðlega þróunarsamvinnu Íslands fyrir árin 2024-2028 samþykkt

Alþingi samþykkti einróma á föstudag þingsályktun um stefnu um alþjóðlega þróunarsamvinnu Íslands fyrir árin 2024-2028. Stefnan byggir á því sem vel hefur tekist á undanförnum árum, niðurstöðum úttekta og nýafstaðinni jafningjarýni Þróunarsamvinnunefndar OECD (DAC) þar sem meðal annars var lögð áhersla á mikilvægi þess að Ísland hafi áfram skýra og einbeitta nálgun í sinni þróunarsamvinnu.

15. des. 2023Utanríkisráðuneytið, Alþjóðamál, Átök fyrir botni Miðjarðarhafs, Utanríkismál

Utanríkisráðherrar Norðurlanda, Benelúx-ríkja og Araba- og múslimaríkja funda um átökin á Gaza

Bjarni Benediktsson utanríkisráðherra sótti fund utanríkisráðherra Norðurlanda og Belgíu, Hollands og Lúxemborgar með utanríkisráðherrum nokkurra Araba- og múslimaríkja í Osló í dag. Tilgangur fundarins var að ræða leiðir til að binda enda á átökin fyrir botni Miðjarðarhafs, hvernig tryggja megi framgang tveggja ríkja lausnar og leiðir til að styrkja og viðhalda stofnunum og stjórnkerfi palestínsku heimastjórnarinnar.

12. des. 2023Utanríkismál, Alþjóðamál, Átök fyrir botni Miðjarðarhafs, Utanríkisráðuneytið

Yfirgnæfandi stuðningur í allsherjarþinginu við ályktun um mannúðarhlé á Gaza

Ályktun, þar sem kallað er eftir tafarlausu vopnahléi á Gaza af mannúðarástæðum, framfylgd alþjóðalaga, vernd óbreyttra borgara, tafarlausri lausnar gísla og tryggu mannúðaraðgengi, var samþykkt með yfirgnæfandi stuðningi á neyðarfundi allsherjarþings Sameinuðu þjóðanna í kvöld. Ísland kaus með ályktuninni og var meðflytjandi að henni.

01. des. 2023Utanríkisráðuneytið, Alþjóðamál, Utanríkismál

Utanríkisráðherra á ráðherrafundi ÖSE í breyttu öryggislandslagi í Evrópu

Utanríkisráðherra sótti ráðherrafund Öryggis- og samvinnustofnunar Evrópu (ÖSE) í Skopje, höfuðborg Norður-Makedóníu, sem hófst á óformlegum kvöldverðarfundi ráðherra þann 29. nóvember en formleg dagskrá stendur yfir frá 30. nóvember til 1. desember. Efst á baugi voru innrásarstríð Rússlands í Úkraínu og örðugleikar í starfi ÖSE vegna ósamvinnuþýðra stjórnvalda í Rússlandi og Belarús.

01. des. 2023Utanríkisráðuneytið, Alþjóðamál, Evrópusamvinna, Sjávarútvegur, Utanríkisviðskipti, Utanríkismál

Aukin tækifæri til útflutnings sjávarafurða með nýju samkomulagi við ESB

Í gær lauk samningaviðræðum milli EFTA-ríkjanna innan EES (Íslands, Noregs og Liechtenstein) og Evrópusambandsins (ESB) um framlög til Uppbyggingarsjóðs EES fyrir tímabilið 1. maí 2021 til 30. apríl 2028. Samningaviðræður hafa staðið yfir frá júní 2022. Samhliða þeim hafa farið fram viðræður um endurnýjun samnings um tollfrjálsa innflutningskvóta fyrir sjávarafurðir frá Íslandi inn á markað ESB.

29. nóv. 2023Utanríkisráðuneytið, Alþjóðamál, Öryggis- og varnarmál, Utanríkismál

Aukið eftirlit með mikilvægum neðansjávarinnviðum

Varnarmálaráðherrar sameiginlegu viðbragðssveitarinnar (Joint Expeditionary Force, JEF) hafa ákveðið að virkja eina af viðbragðsáætlunum sveitarinnar sem felur í sér aukið eftirlit með mikilvægum neðansjávarinnviðum. Verkefnið hefst í byrjun desember og er því ætlað að auka eftirlit og viðveru í samstarfi við Atlantshafsbandalagið sem einnig sinnir sambærilegum verkefnum á Eystrasaltssvæðinu.

29. nóv. 2023Utanríkisráðuneytið, Alþjóðamál, Öryggis- og varnarmál, Utanríkismál

Samhljómur um aukinn varnarviðbúnað og stuðning við Úkraínu

Stríðsrekstur Rússlands gegn Úkraínu, undirbúningur leiðtogafundar Atlantshafsbandalagsins í Washington í júlí á næsta ári, staðan á Vestur-Balkanskaga og átökin fyrir botni Miðjarðarhafs voru efst á baugi á tveggja daga utanríkisráðherrafundi Atlantshafsbandalagsins sem lauk í Brussel í dag. Bjarni Benediktsson utanríkisráðherra tók þátt í fundinum.

27. nóv. 2023Mannréttindi og jafnrétti, Utanríkismál, Alþjóðamál, Jafnrétti, Mannréttindi, Utanríkisráðuneytið

Íslenska utanríkisþjónustan tekur þátt í 16 daga alþjóðlegu átaki gegn kynbundnu ofbeldi

Utanríkisráðuneytið er nú baðað roðagylltum ljóma til að vekja athygli á alþjóðlegu 16 daga átaki gegn kynbundnu ofbeldi. Sendiskrifstofur Íslands um allan heim taka sömuleiðis þátt í vitundarvakningunni á samfélagsmiðlum. Átakið hófst síðastliðinn laugardag, á alþjóðlegum baráttudegi gegn kynbundu ofbeldi undir yfirskriftinni „Sameinumst! Fjárfestum í aðgerðum til að koma í veg fyrir kynbundið ofbeldi gagnvart konum og stúlkum“ (e. UNiTE! Invest to prevent violence against women and girls).

16. nóv. 2023Utanríkisráðuneytið, Alþjóðamál, Evrópuráðið, Úkraína, Utanríkismál

Róbert Spanó kosinn í stjórn tjónaskrár fyrir Úkraínu

Róbert Spanó var í dag kjörinn í stjórn alþjóðlegrar tjónaskrár fyrir Úkraínu sem tekur til eignaskemmda, manntjóns og alvarlegra meiðsla sem orðið hafa í stríði Rússlands í Úkraínu. Atkvæðagreiðslan fór fram á fundi aðila að tjónaskránni sem fer fram í Strassborg í dag. Róbert, ásamt frambjóðanda Ítalíu, hlaut næstflest atkvæði á eftir frambjóðanda Þýskalands í eitt af sjö sætum stjórnarinnar.

30. okt. 2023Utanríkismál, Alþjóðamál, Utanríkisráðuneytið, Átök fyrir botni Miðjarðarhafs

Yfirlýsing Íslands á neyðarfundi allsherjarþings Sameinuðu þjóðanna

Í atkvæðaskýringu að lokinni atkvæðagreiðslu á neyðarfundi allsherjarþings Sameinuðu þjóðanna á föstudag kallaði Ísland með skýrum hætti eftir mannúðarhléi til að tryggja tafarlausa mannúðaraðstoð til óbreyttra borgara á Gaza. Þá hörmuðu íslensk stjórnvöld að ekki hafi náðst samstaða um málið, en breytingartillaga Kanada um fordæmingu á hryðjuverkum Hamas og gíslatöku sem voru upptökin að þeim átökum sem nú geisa náði ekki fram að ganga.

14. okt. 2023Utanríkismál, Alþjóðamál, Flóttafólk, Utanríkisráðuneytið, Átök fyrir botni Miðjarðarhafs

Ísland styrkir neyðaraðstoð Sameinuðu þjóðanna á Gaza

Utanríkisráðherra hefur ákveðið að svara kalli Sameinuðu þjóðanna um framlög til neyðaraðstoðar í Palestínu með 70 milljóna króna framlagi fræa íslenskum stjórnvöldum til Palestínuflóttamannaaðstoðar Sameinuðu þjóðanna (UNRWA). Framlagið bætist við reglubundið framlag Íslands til stofnunarinnar, sem er ein af samstarfsstofnunum Íslands í mannúðarmálum.

13. okt. 2023Utanríkismál, Alþjóðamál, Öryggis- og varnarmál, Utanríkisráðuneytið

Ástandið fyrir botni Miðjarðarhafs og stuðningur við Úkraínu ofarlega á baugi á fundi varnarmálaráðherra Atlantshafsbandalagsins

Málefni Úkraínu og alvarlegt ástand fyrir botni Miðjarðarhafs voru fyrirferðamikil mál á varnarmálaráðherrafundi Atlantshafsbandalagsins sem lauk í höfuðstöðvum bandalagsins í Brussel í gær. Varnarmálaráðherra Ísrael ávarpaði ráðherrafundinn með fjarfundarbúnaði.

04. okt. 2023Utanríkismál, Alþjóðamál, Öryggis- og varnarmál, Úkraína, Utanríkisráðuneytið

Ráðherra sótti ráðstefnu um öryggismál í Varsjá

„Innrásarstríð Rússlands í Úkraínu er árás á okkar sameiginlegu gildi og alþjóðalög. Þótt norðurslóðir séu fjarri Úkraínu hefur stríðið þó áhrif á heiminn sem við búum í og þar af leiðandi Ísland.“ Þetta var á meðal þess sem fram kom í máli Þórdísar Kolbrúnar Reykfjörð Gylfadóttur utanríkisráðherra á ráðstefnu um öryggismál, þar sem hún sat í pallborði með ráðherrum frá Bretlandi, Hollandi og Litáen. Ráðstefnan fór fram í Varsjá í Póllandi og lauk í dag.

29. sep. 2023Utanríkismál, Alþjóðamál, Úkraína, Utanríkisráðuneytið

Ráðherra heimsótti nýtt færanlegt neyðarsjúkrahús fyrir Úkraínu

Tveggja daga opinberri vinnuheimsókn utanríkisráðherra til Eistlands lauk í dag. Í ferðinni átti hún fundi með Margus Tsahkna utanríkisráðherra og Hanno Pevkur varnarmálaráðherra. Auk þess kynnti ráðherra sér starfsemi netöryggisseturs Atlantshafsbandalagsins, sem Ísland á aðild að, í höfuðborginni Tallinn. Þá skoðaði hún uppsetningu á færanlegu neyðarsjúkrahúsi sem kostað er af íslenskum stjórnvöldum og verður afhent Úkraínu í nóvember, en sjúkrahúsið er hannað og framleitt í Eistlandi.

23. sep. 2023Utanríkisráðuneytið, Alþjóðamál, Utanríkismál

Aldrei verið jafn mikil þörf á fjölþjóðasamstarfi

Mikilvægi þess standa vörð um gildi Sameinuðu þjóðanna, fjölþjóðasamstarf, mannréttindi og frelsi einstaklingsins var leiðarstefið í ræðu Þórdísar Kolbrúnar Reykfjörð Gylfadóttur utanríkisráðherra á allsherjarþingi Sameinuðu þjóðanna í kvöld. Ástand mannréttinda í Afganistan og Íran, réttindi hinsegin fólks og innrásarstríð Rússlands í Úkraínu voru á meðal helstu umræðuefna ræðunnar.

22. sep. 2023Mannréttindi og jafnrétti, Utanríkismál, Alþjóðamál, Alþjóðasamningar, Mannréttindi, Þróunarsamvinna, Úkraína, Utanríkisráðuneytið

Utanríkisráðherra á allsherjarþingi Sameinuðu þjóðanna

Utanríkisráðherra undirritaði fjóra nýja rammasamninga við stofnanir Sameinuðu þjóðanna í vikunni í tengslum við 78. allsherjarþing Sameinuðu þjóðanna sem nú stendur sem hæst í New York. Í ráðherraviku allsherjarþingsins koma leiðtogar allra aðildarríkjanna 193 saman og hefur Þórdís Kolbrún Reykfjörð Gylfadóttir utanríkisráðherra sótt fjölda viðburða í vikunni auk þess sem hún hefur fundað með utanríkisráðherrum fjölmargra ríkja bæði nær og fjær.

19. sep. 2023Utanríkisráðuneytið, Alþjóðamál, Úkraína, Utanríkismál

Mikill stuðningur Íslendinga við alþjóðasamstarf

Yfirgnæfandi meirihluti landsmanna, eða 84,8 prósent, segja skipta miklu máli að Ísland hafi gott orðspor í alþjóðasamfélaginu. Þá segja 72,5 prósent þátttöku Íslands í alþjóðasamvinnu styrkja fullveldi Íslands og 76,9 prósent telja hagsæld Íslands að miklu leyti byggja á alþjóðlegum viðskiptum. Þetta er á meðal niðurstaðna árlegrar könnunar sem Maskína gerir fyrir utanríkisráðuneytið um viðhorf almennings til ýmissa þátta í utanríkisþjónustu Íslands.

16. sep. 2023Mannréttindi og jafnrétti, Utanríkismál, Alþjóðamál, Þróunarsamvinna, Utanríkisráðuneytið

Ísland veitir fjárstuðning til uppbyggingar sjálfbærra fiskveiða í þróunarríkjum

Íslensk stjórnvöld hafa undirritað samning við Alþjóðaviðskiptastofnunina (WTO) um fjárstuðning til þróunarríkja við að koma á fót sjálfbærri fiskveiðistjórnun. Stuðningurinn nemur 500 þúsund svissneskum frönkum, en Martin Eyjólfsson, ráðuneytisstjóri utanríkisráðuneytisins, undirritaði samninginn fyrir hönd Íslands í Genf, við sérstakt tilefni ásamt Ngozi Okonjo-Iweala, framkvæmdastýru Alþjóðaviðskiptastofnunarinnar.

29. ágú. 2023Utanríkisráðuneytið, Alþjóðamál, Öryggis- og varnarmál, Utanríkismál

Yfirmaður flugherstjórnar Atlantshafsbandlagsins í heimsókn á Íslandi

James B. Hecker hershöfðingi og yfirmaður flugherstjórnar Atlantshafsbandalagsins (AIRCOM) og flughers Bandaríkjanna í Evrópu (USAFE) er í heimsókn á Íslandi. Hecker fundaði í dag með Þórdísi Kolbrúnu Reykfjörð Gylfadóttir utanríkisráðherra þar sem þau ræddu átökin í Úkraínu, aukinn varnaviðbúnað Altantshafsbandalagsins og mikilvægi Íslands fyrir stöðuvitund á Norður-Atlantshafi.

23. ágú. 2023Utanríkisráðuneytið, Alþjóðamál, Utanríkisviðskipti, Utanríkismál

Aukin þjónusta við íslensk fyrirtæki á erlendum mörkuðum

Utanríkisráðuneytið og Íslandsstofa hafa gert með sér samkomulag þess efnis að Íslandsstofa taki í auknum mæli að sér þjónustu við íslensk fyrirtæki á erlendum mörkuðum með ráðningu viðskiptafulltrúa í völdum borgum. Samningurinn felur í sér að að fagleg samræming og verkstjórn þeirra viðskiptafulltrúa verði á ábyrgð Íslandsstofu.

23. ágú. 2023Utanríkisráðuneytið, Alþjóðamál, Norrænt samstarf, Úkraína, Utanríkismál

Stuðningur við Úkraínu í brennidepli á fjarfundi utanríkisráðherra Norðurlanda

Utanríkisráðherrar Norðurlanda hittust á fjarfundi í dag undir stjórn Þórdísar Kolbrúnar Reykfjörð Gylfadóttur utanríkisráðherra sem fer með formennsku í norræna hópnum í ár. Ráðherrarnir funduðu síðast á Ísafirði í júní. Allsherjarþing Sameinuðu þjóðanna og staðan í Úkraínu, Afganistan og Vestur-Afríku voru efst á baugi.

14. júl. 2023Utanríkisráðuneytið, Alþjóðamál, Þróunarsamvinna, Utanríkismál

Ísland eykur stuðning sinn við konur í Afganistan

Íslensk stjórnvöld hafa ákveðið að veita viðbótarframlög til stofnana og sjóða sem berjast fyrir mannréttindum kvenna og stúlkna í Afganistan. Veittar verða samtals 150 milljón króna sem renna til Stofnunar Sameinuðu þjóðanna um kynjajafnrétti og valdeflingu kvenna (UN Women), Mannfjöldasjóðs Sameinuðu þjóðanna (UNFPA) og UN Women’s Peace and Humanitarian Fund (WPHF), sem er sjóður á vettvangi Sameinuðu þjóðanna sem veitir styrki til félagasamtaka sem eru leidd af konum.