Efnisorð
Tegund

Leita eftir efnisorðum

Sýnir 351–400 af 1821
Raða eftir:
26. nóv. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Fjármála- og efnahagsráðuneytið

GAGNVIST 2024: Gagnastefna Íslands og þróun íslenska gagnavistkerfisins

Miðvikudaginn 27. nóvember stendur Hagstofa Íslands, í samstarfi við háskóla-, iðnaðar- og nýsköpunarráðuneytið, fjármála- og efnahagsráðuneytið og Miðstöð stafrænnar nýsköpunar, fyrir ráðstefnunni GAGNVIST 2024 sem varpar ljósi á þróun íslenska gagnavistkerfisins.

24. nóv. 2024Menningar-٫ nýsköpunar- og háskólaráðuneytið

Þakkarorða íslenskrar tónlistar: miðar aðgengilegir á morgun kl. 12:00

Landsmönnum gefst kostur á að sækja tónleikana með því að sækja boðsmiða á harpa.is/takk frá kl. 12:00 mánudaginn 25.nóvember og gildir þar hið fornkveðna: Fyrstur kemur, fyrstur fær. Tónleikarnir verða einnig teknir upp og sendir út sem hluti af hátíðardagskrá RÚV milli jóla og nýárs í von um að sem flestum gefist kostur á að upplifa þessa einstöku tónlistarveislu.

22. nóv. 2024Menningar-٫ nýsköpunar- og háskólaráðuneytið

Stuðningur við markaðssetningu á Íslandi sem áfangastað ferðamanna

Menningar- og viðskiptaráðherra, Lilja Dögg Alfreðsdóttir, undirritaði í gær samning við Íslandsstofu um markaðssetningu á Íslandi sem áfangastað ferðamanna. Um er að ræða alþjóðlega neytendamarkaðssetningu fyrir íslenska ferðaþjónustu til að fylgja eftir áherslum í Ferðamálastefnu og aðgerðaáætlun hennar til 2030, sem samþykkt var á Alþingi í júní 2024. Samningurinn er einnig hluti af aðgerðum stjórnvalda til að verja gjaldeyristekjur frá ferðaþjónustu.

19. nóv. 2024Menningar-٫ nýsköpunar- og háskólaráðuneytið

Áframhaldandi stuðningur við beint millilandaflug til Akureyrar og Egilsstaða

Dagmar Ýr Stefánsdóttir, framkvæmdastjóri Austurbrúar, lýsti mikilli ánægju með samninginn, sem skapar svigrúm og fyrirsjáanleika þar sem hann er til tveggja ára. „Þessi stuðningur er staðfesting á vilja stjórnvalda til þess að byggja upp fleiri gáttir inn í landið, stuðla að vöruþróun í ferðaþjónustu og uppbyggingu áfangastaðarins Austurlands.“

16. nóv. 2024Menningar-٫ nýsköpunar- og háskólaráðuneytið, Menningarmál

Ari Eldjárn hlýtur verðlaun Jónasar Hallgrímssonar

Menningar- og viðskiptaráðherra Lilja Dögg Alfreðsdóttir veitti rétt í þessu verðlaun Jónasar Hallgrímssonar í 29. skiptið í Eddu. Verðlaunin eru veitt einstaklingum sem hafa með sérstökum hætti unnið íslenskri tungu gagn í ræðu eða riti, með skáldskap, fræðistörfum eða kennslu og stuðlað að eflingu hennar, framgangi eða miðlun til nýrrar kynslóðar.

15. nóv. 2024Menningar-٫ nýsköpunar- og háskólaráðuneytið

Mál með vexti: Hvað ætlar þú að gera fyrir framtíð íslenskunnar?

„Tungumálið er farvegur hugsana okkar og lykilinn að sameiginlegum skilningi. Þess vegna þarf íslenskan að vera fyrst. Hún þarf að vera fremst, okkur efst í huga og allt umlykjandi. Það er verkefni sem vinnst með seiglu, ástríðu og því að vera opin fyrir hugmyndum og samvinnu og því þurfum við að spyrja okkur, hvað ætla ég að gera fyrir framtíð íslenskunnar? Einmitt afþví að við eigum hana öll saman, þurfum við að hlúa að henni sem sameiginlegu djásni svo hún lifi enn góðu lífi eftir önnur 200 ár,“ segir ráðherra og minnir á að dagur íslenskrar tungu sé frábær dagur til þess.

12. nóv. 2024Menningarmál, Menningar-٫ nýsköpunar- og háskólaráðuneytið

Styrkir til menningarsamstarfs milli Noregs og Íslands - opið fyrir umsóknir til 3.des

Norsk stjórnvöld leggja árlega til peninga framlag til norsks-íslensks menningarsamstarfs. Markmið framlagsins er að stuðla að fjölbreyttu menningarsamstarfi milli Noregs og Íslands. Þau sem starfa á sviði lista og menningar í Noregi og á Íslandi geta nú sótt um styrki til fjölbreyttra samstarfsverkefna á sviði menningar sem skapa tengsl milli listamanna og þeirra sem starfa við menningarmál. Norskir og íslenskir listamenn, menningarstarfsmenn, menningarstofnanir og samtök geta því sótt um styrk.

08. nóv. 2024Menningar-٫ nýsköpunar- og háskólaráðuneytið, Forsætisráðuneytið, Umhverfis-٫ orku- og loftslagsráðuneytið, Dómsmálaráðuneytið

Samantekt ráðuneytisstjórahóps um jöklaferðir, í kjölfar banaslyss á Breiðamerkurjökli

Á fundi ríkisstjórnar 27. ágúst sl. var ákveðið að koma á fót starfshópi ráðuneytisstjóra forsætisráðuneytis, menningar- og viðskiptaráðuneytis, umhverfis-, orku- og loftslagsráðuneytis og dómsmálaráðuneytis til að afla upplýsinga um banaslys sem varð í skipulagðri ferð í jöklaferð á Breiðamerkurjökli sunnudaginn 25. ágúst. sl. og skoða öryggi í íshellaferðum almennt.

07. nóv. 2024Menningar-٫ nýsköpunar- og háskólaráðuneytið, Gervigreind, Nýsköpun, Vísindi nýsköpun og rannsóknir

Fyrsta aðgerðaáætlun Íslands um gervigreind kynnt

Áslaug Arna Sigurbjörnsdóttir, háskóla-, iðnaðar- og nýsköpunarráðherra, kynnti í dag fyrstu aðgerðaáætlun íslenskra stjórnvalda um gervigreind til ársins 2026. Þar eru tíundaðar þær aðgerðir sem stuðla munu að því að Ísland, í krafti smæðar sinnar, verði leiðandi í ábyrgri nýtingu gervigreindar og skapar tækifæri, velmegun og framfarir fyrir alla landsmenn.

02. nóv. 2024Ræður og greinar, Menningar-٫ nýsköpunar- og háskólaráðuneytið

Hagvöxtur, lækkun skulda og húsnæðismarkaðurinn

02 nóvember 2024 / Menningar-٫ nýsköpunar- og háskólaráðuneytið Hagvöxtur, lækkun skulda og húsnæðismarkaðurinn eimshagkerfið hefur sýnt umtalsverðan viðnámsþrótt, þrátt fyrir óvenjumikla áraun síðustu ár. Fremst ber þar að nefna farsótt og stríðsrekstur í Evrópu. Því til viðbótar hafa vaxandi viðskiptadeilur á milli stærstu efnahagskerfanna markað mikil umskipti á gangverki heimsviðskipta

01. nóv. 2024Gervigreind, Menningar-٫ nýsköpunar- og háskólaráðuneytið

Talaðu við símann: ChatGPT plus fær íslenskar raddir

Nýjar íslenskar raddir eru komnar inn í talgervil mállíkansins ChatGPT. Því er nú hægt að tala upphátt á íslensku við mállíkanið og fá svar til baka, á íslensku. Fyrirtækið uppfærði talgervil sinn í ChatGPT Plus í vikunni sem er nú aðgengileg öllum notendum sem greiða fyrir aðgang (Plus er kostuð útgáfa gervigreindarinn), með betri raddvirkni en þekkst hefur áður í samskiptum við mállíkön. Með nýju uppfærslunni getur mállíkanið nú skilið íslenskt talmál og svarað á íslensku með ótrúlega góðum framburði. Í gjaldfrjálsu útgáfu forritsins er að finna talgervil sem er töluvert takmarkaðri bæði í framburði, skilning og upplýsingaöflun. Nýja uppfærslan markar því tímamót þar sem möguleikarnir við nýtingu og framfarir í máltækni verða umtalsvert meiri en áður.

01. nóv. 2024Ræður og greinar, Menningar-٫ nýsköpunar- og háskólaráðuneytið

Þess vegna talar ChatGPT íslensku

01 nóvember 2024 / Menningar-٫ nýsköpunar- og háskólaráðuneytið Þess vegna talar ChatGPT íslensku Ég er fullviss um að tæknin muni á næstu árum færa okkur lausnir við ýmsum vandamálum sem við stöndum frammi fyrir sem samfélag í dag. Ísland hefur staðið sterkt á ýmsum sviðum tækniþróunar og þar hefur þróun í máltækni staðið upp úr. Sá árangur sem við höfum náð fyrir tungumálið okkar í heimi tækninnar hefur vakið athygli langt út fyrir landsteinana og veitir Ísland öðrum fámennum málsvæðum nú innblástur

29. okt. 2024Ræður og greinar, Menningar-٫ nýsköpunar- og háskólaráðuneytið

Á skóflunni

29 október 2024 / Menningar-٫ nýsköpunar- og háskólaráðuneytið Á skóflunni Framsókn kynnti lista sína um allt land um liðna helgi. Þá skipar öflugt og vinnusamt fólk með mikla reynslu og ólíkan bakgrunn sem vill láta gott af sér leiða fyrir samfélagið. Að sama skapi er ánægjulegt að sjá nýtt fólk bætast í hópinn og efla flokkinn enn frekar, en mikil ásókn var í að komast á lista flokksins fyrir komandi kosningar til að veita samvinnustefnunni brautargengi

29. okt. 2024Innviðaráðuneytið, Netöryggi, Fjarskipti, Menningar-٫ nýsköpunar- og háskólaráðuneytið

Samstarfsvettvangur um netöryggi kynntur til sögunnar

Nýr samstarfsvettvangur stjórnvalda og atvinnulífs um netöryggi verður kynntur til leiks á fundi í Hörpu í dag. Fundurinn hefst klukkan 14 þar sem fimm ræðumenn munu fara yfir helstu málefni á þessu sviði. Samstarfsvettvangurinn er á forræði háskóla-, iðnaðar og nýsköpunarráðuneytisins sem fer með netöryggismál.

28. okt. 2024Menningar-٫ nýsköpunar- og háskólaráðuneytið

Auglýst eftir umsóknum um styrki til staðbundinna fjölmiðla utan höfuðborgarsvæðisins

Markmið með styrkveitingum til einkarekinna staðbundinna fjölmiðla utan höfuðborgarsvæðisins er að efla starfsemi þeirra enda gegni þeir mikilvægu hlutverki við að tryggja aðgengi almennings að upplýsingum um menningar- og samfélagsmál og styðja með þeim hætti við lýðræðisþátttöku og menningarstarf. (3. gr. reglna nr. 1146/2024 um styrkveitingar til staðbundinna fjölmiðla).

28. okt. 2024Vísindi nýsköpun og rannsóknir, Fatlað fólk, Gervigreind, Menningar-٫ nýsköpunar- og háskólaráðuneytið

Sameinast um stórbætt aðgengi fatlaðs fólks að stafrænum lausnum

Menningar- og viðskiptaráðherra, Almannarómur – miðstöð máltækni, ÖBÍ réttindasamtök og Miðstöð menntunar og skólaþjónustu (MMS) skrifuðu í dag undir viljayfirlýsingu þess efnis að vinna saman að því að stórbæta stafrænt aðgengi fatlaðs fólks, með hjálp íslenskra máltæknilausna. Á meðal þeirra verkefna sem unnið verður að er að koma á fót upplýsingagátt um helstu lausnir sem geta gagnast ýmsum hópum, styðja við stofnun raddbanka og setja aukinn kraft í þróun á talgervilslausnum sem styðja við íslensku.

25. okt. 2024Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Nýsköpun, Menningar-٫ nýsköpunar- og háskólaráðuneytið

Áfram öflugur stuðningur við nýsköpunarfyrirtæki

Ísland er í fremstu röð OECD landa þegar kemur að stuðningi við nýsköpun og þróun. Í anda þess er lagt til að stuðningi við nýsköpunarfyrirtæki verði viðhaldið í frumvarpi sem lagt hefur verið fram á Alþingi um breytingu á ýmsum lögum um skatta og gjöld o.fl. (nýsköpun, virðisaukaskattur o.fl.). Í frumvarpinu er lagt til að endurgreiðsluhlutfall verði 34% til lítilla og meðalstórra fyrirtækja og 22,5% til stórra fyrirtækja.

23. okt. 2024Ræður og greinar, Menningar-٫ nýsköpunar- og háskólaráðuneytið

Þingmenn verða að vita að Lilja segir satt

23 október 2024 / Menningar-٫ nýsköpunar- og háskólaráðuneytið Þingmenn verða að vita að Lilja segir satt Frjáls og virk skoðanaskipti eru grundvöllur hins sterka lýðræðisþjóðfélags sem við búum í. Í gær birtist einmitt áhugaverð skoðanagrein eftir Björn B. Björnsson kvikmyndagerðarmann undir yfirskriftinni Þingmenn verða að vita að Lilja segir ekki satt

23. okt. 2024Menningar-٫ nýsköpunar- og háskólaráðuneytið, Nýsköpun, Vísindi nýsköpun og rannsóknir

Einfaldað sjóðaumhverfi vísinda og nýsköpunar og uppfærð skilgreining á hlutverki Rannís í samráðsgátt

Drög að frumvarpi til laga um opinberan stuðning við vísindi og nýsköpun hefur verið birt í samráðsgátt. Með frumvarpinu er lagt til að sett verði ný heildarlög um opinbera samkeppnissjóði á sviði vísinda og nýsköpunar sem heyra undir ráðuneytið, ásamt því að hlutverk Rannsóknamiðstöðvar Íslands (Rannís) í stuðningsumhverfi þekkingarsamfélagsins verði skilgreint.

23. okt. 2024Menningar-٫ nýsköpunar- og háskólaráðuneytið

M.is er opið öllum! ..eða opinn öllum?

„Ungmennin okkar eru snillingar. Þau deildu með okkur algengum villum sem þau sjálf eru að glíma við eða rekast reglulega á og ég er nokkuð viss um að við flest séum með dæmi sem við ruglumst ítrekað á,“ segir menningar- og viðskiptaráðherra og nefnir dæmi frá hópnum. „Hangir jakkinn eða hengur? Af hverju er hringur kringlóttur en ekki hringlóttur? Það sem er svo frábært við þessa umræðu er að ungu fólki er ekki sama hvernig það skrifar. Það er þessi metnaður og umhyggja fyrir íslenskunni sem sannfærir mig um að íslenskan muni lifi af ef við höldum áfram að hlúa vel að henni.“

22. okt. 2024Utanríkisráðuneytið, Menningar-٫ nýsköpunar- og háskólaráðuneytið

Aðalframkvæmdastjóri Mennta-, vísinda- og menningarmálastofnunar Sameinuðu þjóðanna á Íslandi

Samstarf Íslands og UNESCO og varðveisla íslenskrar tungu á tímum tækniþróunar voru meðal umræðuefna á fundi Audrey Azoulay, aðalframkvæmdastjóra Mennta-, vísinda- og menningarmálastofnunar Sameinuðu þjóðanna (UNESCO), og Lilju Alfreðsdóttur, menningar- og viðskiptamálaráðherra í gær 17. október. Azoulay var stödd á Ísland til að taka þátt í Hringborði Norðurslóða sem fer fram í Hörpu dagana 16.-18. október, en hún flutti ávarp um sýn UNESCO í norðurslóðamálum á opnunarviðburði hringborðsins.

22. okt. 2024Menningar-٫ nýsköpunar- og háskólaráðuneytið

Traustari fasteignakaup: Skýrsla starfshóps um breytingartillögur á sviði fasteignakaupa

Tillögurnar leggja upp með að bæta upplýsingar um ástand fasteignar sem leiða til fækkunar á ágreiningsmálum í kjölfar sölu á íbúðarhúsnæði. Þannig aukast líkur á að mögulegir gallar á fasteign verði leiddir í ljós á fyrri stigum viðskiptanna. Með tillögum starfshópsins er öllum tilboðsgjöfum gert jafnt undir höfði og dregið úr líkum á því að þegar mikil eftirspurn er eftir íbúðarhúsnæði að kaupandi sinna ekki skoðunarskyldu sinni, sem og seljandi upplýsingaskyldu sinni.

19. okt. 2024Ræður og greinar, Menningar-٫ nýsköpunar- og háskólaráðuneytið

Stærsta hagsmunamálið

19 október 2024 / Menningar-٫ nýsköpunar- og háskólaráðuneytið Stærsta hagsmunamálið Það er ábyrgðahluti að sitja í ríkisstjórn Íslands. Á undanförnum árum höfum við í Framsókn einbeitt okkur að því að horfa fram á veginn, vera á skóflunni og vinna vinnuna í þágu íslenskra hagsmuna. Við höfum haldið okkur fyrir utan reglulegt hnútukast milli annarra stjórnmálaflokka og reynt að einblína frekar á verkefnin og finna á þeim hagfelldar lausnir fyrir land og þjóð

17. okt. 2024Menningar-٫ nýsköpunar- og háskólaráðuneytið

Embætti landsbókavarðar er laust til umsóknar

Leitað er eftir faglegum leiðtoga til að leiða stærstu þekkingarveitu þjóðarinnar. Landsbókasafn Íslands - Háskólabókasafn er þjóðbókasafn Íslands og bókasafn Háskóla Íslands og hefur það meginmarkmið að safna öllum íslenskum gögnum, varðveita þau, skrá og flokka. Safnið er öflugur samstarfsaðili Háskóla Íslands og styður við íslenskar rannsóknir með fjölbreyttum hætti. Safnið gegnir forystuhlutverki hvað varðar þróun og nýsköpun á sviði varðveislu og stafrænnar endurgerðar og er í fararbroddi um miðlun og aðgengi að stafrænu efni fyrir landsmenn.

12. okt. 2024Ræður og greinar, Menningar-٫ nýsköpunar- og háskólaráðuneytið

Ísland verður leiðandi í gervigreind og máltækni

12 október 2024 / Menningar-٫ nýsköpunar- og háskólaráðuneytið Ísland verður leiðandi í gervigreind og máltækni Þegar reynir á stoðir tungumáls okkar og menningar finnum við til ábyrgðar. Málefni tungumálsins hafa sjaldan verið eins áberandi í umræðunni og síðustu ár. Íslenskan skiptir okkur öll máli og okkur þykir öllum raunverulega vænt um tungumálið okkar

10. okt. 2024Menningar-٫ nýsköpunar- og háskólaráðuneytið

Vaxandi tengsl Íslands og Póllands

Tvíhliða samskipti og aukin samvinna Íslands og Póllands á sviði menningar- og viðskiptamála voru til umræðu á fundum Lilju Alfreðsdóttur menningar- og viðskiptaráðherra með Hönnu Wróblewsku ráðherra menningarmála og menningararfs í Póllandi og Krzysztof Paszyk ráðherra efnahagsþróunar og tækni. Fundirnir fór fram í Varsjá höfuðborg Póllands og var meðal annars tekin ákvörðun um að vinna að samkomulagi um aukin samskipti ríkjanna á sviði menningarmála sem formgert verður á komandi mánuðum. Ræddi ráðherra meðal annars um árangur Íslands í íslenskri máltækni en í Póllandi eru töluð um 30 tungumál sem þarlend stjórnvöld vilja vernda og styðja við.

10. okt. 2024Ræður og greinar, Menningar-٫ nýsköpunar- og háskólaráðuneytið

Bókmenntastefna með ríka áherslu á ungt fólk

10 október 2024 / Menningar-٫ nýsköpunar- og háskólaráðuneytið Bókmenntastefna með ríka áherslu á ungt fólk vikunni mælti ég á Alþingi fyrir metnaðarfullri bókmenntastefnu til ársins 2030. Með henni viljum við efla íslenska ritmenningu og tryggja að íslensk tunga dafni til framtíðar. Stefnan leggur áherslu á margvísleg atriði, en í kjarnanum er það að tryggja fjölbreytta og kraftmikla útgáfu bóka á íslensku og auka lestur á öllum aldri, en með sérstakri áherslu á yngri kynslóðir

09. okt. 2024Innviðaráðuneytið, Netöryggi, Menningar-٫ nýsköpunar- og háskólaráðuneytið

Hakkarar Íslands keppa í beinu streymi

Lið Íslands tekur nú þátt í Netöryggiskeppni Evrópu (e. European Cyber Security Challenge) sem stendur yfir í Tórínó á Ítalíu dagana 8.-11. október. Lið Íslands er skipað þeim keppendum sem náðu bestum árangri í Gagnaglímunni, Netöryggiskeppni Íslands, sem haldin var 25. maí síðastliðinn fyrir ungmenni á aldrinum 14 til 25 ára.

08. okt. 2024Rit og skýrslur, Gervigreind, Menningar-٫ nýsköpunar- og háskólaráðuneytið

Íslenska-nálgunin: Hvernig stuðla má að fjölbreytni tungumála og menningar á sviði gervigreindar.

Menningar- og viðskiptaráðuneytið hefur gefið út leiðarvísi sem fjallar um hvernig íslensk máltækni hefur náð fótfestu í heimi gervigreindarinnar og ávinning samstarfs íslenskra stjórnvalda og þeirra samstarfsaðila við tæknifyrirtækið Open AI. Leiðarvísirinn er gefin út á íslensku og ensku í samstarfi við íslenska gervigreindar- og máltæknifyrirtækið Miðeind og Almannaróm, miðstöð máltækni á Íslandi ber heitið Íslenska-nálgunin: Hvernig stuðla má að fjölbreytni tungumála og menningar á sviði gervigreindar.