Efnisorð
Tegund

Leita eftir efnisorðum

Sýnir 401–450 af 3013
Raða eftir:
27. maí 2025Heilbrigðisráðuneytið, Líf og heilsa

Mikilvægt skref í stafrænni þróun á landsvísu

Heilbrigðisráðuneytið hefur undanfarið unnið ýtarlega úttekt á stafrænum sjúkraskrárkerfum fjögurra heilbrigðisstofnana og notkun þeirra. Tilgangurinn er að meta hve greiðlega upplýsingar um sjúklinga skila sér milli þjónustuveitenda þannig að þær nýtist sem best í þágu sjúklinga sem þurfa að leita sér heilbrigðisþjónustu á ólíkum stöðum og mismunandi þjónustustigum. Niðurstöður úttektarinnar verða kynntar og ræddar á vinnustofu í byrjun júní.

26. maí 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 5/2025

Útdráttur: Kærð var ákvörðun embættis landlæknis um að synja kæranda um starfsleyfi sem sálfræðingur. Kærandi byggði á því að hún ætti rétt á starfsleyfi á grundvelli reglugerðar nr. 510/2020 þar sem hún hefði lokið námi og starfað sem sálfræðingur í Hollandi. Embætti landlæknis taldi að meta ætti nám hennar samkvæmt reglugerð nr. 1130/2012, sem gildir um starfsleyfi sálfræðinga á Íslandi, og synjaði umsókn hennar, m.a. á grundvelli umsagnar frá sálfræðideild Háskóla Íslands. Í niðurstöðu ráðuneytisins kom fram að þegar metið væri hvort einstaklingur ætti rétt á viðurkenningu á faglegri menntun eða hæfi samkvæmt reglugerð nr. 510/2020 þyrfti að ganga úr skugga um hvort um sama starf væri að ræða, af gögnum málsins mætti ráða að embætti landlæknis hefði ekki gert það.…

26. maí 2025Heilbrigðisráðuneytið, Líf og heilsa

Tilvísanakerfi fyrir börn vegna heilbrigðisþjónustu afnumið

Alma D. Möller heilbrigðisráðherra hefur ákveðið að afnema tilvísanakerfi fyrir börn vegna heilbrigðisþjónustu. Samhliða verður skipaður starfshópur til að móta tillögur um hliðvörslu í heilbrigðiskerfinu til framtíðar. Með afnámi tilvísanaskyldu verður þjónusta sérgreinalækna við börn gjaldfrjáls, óháð tilvísun. Reglugerð um afnám tilvísanakerfis fyrir börn tekur gildi 1. júlí.

23. maí 2025Heilbrigðisráðuneytið

Heilbrigðisráðherra átti tvíhliða fund með heilbrigðisráðherra Palestínu

Alma Möller heilbrigðisráðherra átti tvíhliða fund með Maged Awni Abu Ramadan heilbrigðisráðherra Palestínu á mánudaginn en þau sóttu bæði allsherjarþing Alþjóðaheilbrigðismálastofnunarinnar (WHO) í Genf. Á fundinum ræddu þau stöðu heilbrigðismála í Palestínu, einkum á Gaza svæðinu og þær gríðarmiklu áskoranir sem Palestínumenn standa frammi fyrir vegna linnulausra árása Ísraelshers og þeirra takmarkana á aðgengi að mannúðaraðstoð sem Ísraelsher hefur sett.

22. maí 2025Heilbrigðisráðuneytið, Líf og heilsa

Alþjóðlegur farsóttarsáttmáli samþykktur á þingi WHO

Aðildarríki Alþjóðaheilbrigðismálastofnunarinnar (WHO) hafa samþykkt einróma á þingi sínu í Genf, nýjan farsóttarsáttmála. „Sáttmálinn er sigur fyrir lýðheilsu, vísindi og fjölþjóðlega samvinnu og tryggir að við getum í sameiningu varið heimsbyggðina betur gegn vá af völdum farsótta í framtíðinni“ segir Dr. Tedros Adhanom Ghebreyesus, framkvæmdastjóri WHO.

22. maí 2025Heilbrigðisráðuneytið, Félags- og húsnæðismálaráðuneytið, Mennta- og barnamálaráðuneytið, Líf og heilsa

Þrjú ráðuneyti styrkja Hjálparsíma Rauða krossins 1717

Heilbrigðisráðherra, félags- og húsnæðismálaráðherra og mennta- og barnamálaráðherra, undirrituðu í dag samning við Rauða krossinn á Íslandi (RKÍ) sem felur í sér 25 milljóna króna styrk til reksturs Hjálparsímans 1717. Framkvæmdastjóri RKÍ segir þetta ómetanlegt. Þannig verði unnt að halda þjónustunni opinni allan sólarhringinn og sinna sálfélagslegum stuðningi fyrir stóran hóp fólks sem þarf á slíkri hjálp að halda.

21. maí 2025Heilbrigðisráðuneytið, Líf og heilsa

Bólusetning gegn HPV veirunni útvíkkuð – eykur vörn gegn krabbameinum

Alma D. Möller heilbrigðisráðherra hefur ákveðið að veita fjármagn til HPV bólusetningar fyrir drengi upp í 18 ára aldur og hefjast bólusetningar næsta vetur: „Þetta er gríðarlega mikilvæg forvörn gegn krabbameinum og með þessu fjárfestum við í heilsu til framtíðar“ segir Alma. Bólusetning gegn HPV veirunni hófst hér á landi árið 2011, fyrst eingöngu hjá stúlkum en hefur síðan verið útvíkkuð og fyrir tveimur árum var farið að bjóða slíka bólusetningu óháð kyni fyrir tiltekna aldurshópa.

19. maí 2025Heilbrigðisráðuneytið, Líf og heilsa

Bráðaviðbragð heilbrigðisþjónustu í Öræfasveit í sumar

Alma D. Möller heilbrigðisráðherra hefur falið Heilbrigðisstofnun Suðurlands (HSU) að skipuleggja bráðaviðbragð í Öræfasveit til að auka öryggi íbúa og ferðamanna á svæðinu. Í viðbragðinu felst stöðug viðvera sjúkabíls með reyndum sjúkraflutningamanni sem sinnir bráðaþjónustu í góðu samstarfi við björgunarsveitina Kára í Öræfum. Markmiðið er að tryggja skjót viðbrögð, s.s. ef meta þarf áverka eftir slys, bregðast við bráðaveikindum, veita fyrstu hjálp og undirbúa flutning á sjúkrastofnun ef með þarf.

14. maí 2025Heilbrigðisráðuneytið, Líf og heilsa

Heimsókn heilbrigðisráðherra til Svíþjóðar

Alma D. Möller heilbrigðisráðherra var með í för í opinberri heimsókn forseta Íslands til Svíþjóðar í liðinni viku. Í ferðinni átti hún meðal annars fundi með Acko Ankarberg Johansson heilbrigðisráðherra, Jakob Forssmed félagsmálaráðherra og Björn Eriksson forstjóra Socialstyrelsen um málefni sem eru sameiginleg viðfangsefni landanna tveggja á sviði heilbrigðis- og velferðarmála. Meðal annars var rætt um stöðu sérnáms í læknisfræði og gagnkvæma viðurkenningu á sérnámsgrunni lækna. Heilbrigðisráðherra heimsótti jafnframt barnahús og Sylviahemmet sem er sérhæfð dagdvöl fyrir einstaklinga með minnissjúkdóma. ​

13. maí 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 4/2025

Útdráttur: Kærð var ákvörðun embættis landlæknis um að synja kæranda um CCPS-vottorð á þeim grundvelli að hún hefði ekki fengið útgefið námslokavottorð frá Landspítala vegna sérnámsins, sem þarf að hluta til að stunda erlendis. Kærandi hafði áður fengið útgefið sérfræðileyfi í fæðinga- og kvensjúkdómalækningum. Í málinu lá meðal annars fyrir umsögn kennsluráðs í fæðinga- og kvensjúkdómalækningum þar sem fram kom það mat ráðsins að það teldi að kærandi hefði að fullu lokið sérnámi í fæðinga- og kvensjúkdómalækningum í samræmi við gildandi marklýsingu á Íslandi um námið. Hins vegar taldi kennsluráðið sér ekki fært að gefa út námslokavottorð vegna námsins þar sem ekki er í boði að stunda allt námið á Landspítala, þrátt fyrir að marklýsing gildi um námið í heild sinni.…

08. maí 2025Heilbrigðisráðuneytið, Líf og heilsa

Stækkun bráðamóttöku Landspítala – verklok í desember

Bráðamóttaka Landspítala í Fossvogi verður stækkuð með 700 fermetra viðbótarhúsnæði sem á að vera tilbúið í fyrir lok þessa árs. Samningur Nýs Landspítala og Verkheima ehf. um verkið var undirritaður í dag. „Þetta mun stórbæta aðstæður sjúklinga og starfsfólks og skipta sköpum fyrir þessa mikilvægu starfsemi þar til ný bráðamóttaka verður opnuð í meðferðarkjarnanum við Hringbraut“ segir Alma D. Möller heilbrigðisráðherra.

08. maí 2025Heilbrigðisráðuneytið, Líf og heilsa

Samstíga um málefni offitu á Íslandi

Heilbrigðisráðuneytið stóð fyrir þverfaglegri vinnustofu undir heitinu Samstíga um málefni offitu á Íslandi þann 5. maí síðastliðinn á veitingastaðnum Nauthól. Vinnustofan er hluti af vinnu við innleiðingu tillagna starfshóps ráðuneytisins um stefnumarkandi áherslur í forvörnum, heilsueflingu og meðferð, sem lagðar voru fram í skýrslu í mars 2024. Alls voru þátttakendur 60, frá 12 stofnunum og þremur félagasamtökum, fólk með fjölbreyttan bakgrunn og breiða þekkingu.

05. maí 2025Félags- og húsnæðismálaráðuneytið, Málefni eldra fólks, Heilbrigðisráðuneytið

Samþætt heimaþjónusta fyrir eldra fólk í Árborg

Unnið er að því að koma upp samþættri heimaþjónustu fyrir eldra fólk í Árborg og sjá til þess að rétt þjónusta sé veitt af réttum aðila og á réttum tíma. Samkomulag þessa efnis var staðfest í Árborg í dag. Viðstödd voru Inga Sæland, félags- og húsnæðismálaráðherra, Bragi Bjarnason, bæjarstjóri Árborgar, og Díana Óskarsdóttir, forstjóri Heilbrigðisstofnunar Suðurlands, auk fjölda gesta. Liður í samþættingu heimaþjónustunnar í Árborg er að koma upp sérstöku móttöku- og matsteymi og munu allar beiðnir um heimaþjónustu berast til teymisins. Þverfaglegu heimaendurhæfingarteymi verður einnig komið á fót og gert ráð fyrir að flestir sem sæki um heimaþjónustu fari í þjónustu teymisins til að byrja með.

02. maí 2025Heilbrigðisráðuneytið, Líf og heilsa

Færni- og hermikennsla í heilbrigðisvísindum stórefld með HermÍs

Hermi- og færnikennsla í heilbrigðisvísindum stóreflist með nýju Hermisetri Háskóla Íslands (HÍ) og Landspítala (HermÍs) sem opnað var formlega í vikunni. Setrið er ætlað nemendum Heilbrigðisvísindasviðs Háskóla Íslands og starfsfólki Landspítalans og býr að kennsluaðstöðu sem mun efla íslenskar heilbrigðisstéttir til framtíðar og auka öryggi sjúklinga. Alma D. Möller heilbrigðisráðherra sagði í ávarpi við opnunina að með hermisetrinu hefjist nýtt tímabil í þjálfun heilbrigðisstarfsfólks sem feli í sér mikið framfaraskref. Jón Atli Benediktsson rektor HÍ og Runólfur Pálsson forstjóri Landspítala fluttu einnig ávörp við opnun setursins og er ljóst af máli þeirra þriggja að setrið er ómetanlegur fengur fyrir kennslu og þjálfun í heilbrigðisgreinum og felur í sér mikil tækifæri.

30. apr. 2025Heilbrigðisráðuneytið, Líf og heilsa

Mælti fyrir frumvarpi um viðbrögð við lyfjaskorti

Alma D. Möller heilbrigðisráðherra mælti í gær fyrir frumvarpi sínu sem hefur að meginmarkmiði að sporna við lyfjaskorti. Með frumvarpinu er einkum kveðið á um ýmsar heimildir fyrir Lyfjastofnun sem gera henni kleift að bregðast við ef lyfjaskortur er fyrir hendi eða yfirvofandi og lágmarka áhrif lyfjaskorts á sjúklinga. Ráðherra hefur nú mælt fyrir öllum sjö frumvörpum sínum á þingmálaskrá yfirstandandi þings.

22. apr. 2025Heilbrigðisráðuneytið, Líf og heilsa

Evrópusambandið hefur viðræður við EFTA-ríkin um heilbrigðisviðbúnað í neyð

Framkvæmdastjórn Evrópusambandsins hefur fengið umboð til að hefja samningaviðræður við EFTA-ríkin Ísland, Noreg og Liechtenstein um aðgengi þeirra að mikilvægum lyfjum og lækningatækjum í neyð á grundvelli samninga Evrópusambandsins. Markmiðið er að efla sameiginlegar ráðstafanir þjóða þegar heilbrigðisvá steðjar að og styrkja viðbragðsgetu þeirra við slíkar aðstæður. Þetta skiptir Ísland miklu máli því þessi mikilvægu aðföng falla að mestu utan við gildissvið EES-samningsins. Það var t.d. ástæða þess að gera þurfti sérstakar ráðstafanir til að tryggja Íslandi og hinum EFTA-ríkjunum bóluefni í Covid-19 faraldrinum í gegnum bóluefnasamninga Evrópusambandsins.

10. apr. 2025Heilbrigðisráðuneytið, Líf og heilsa, Hagsýn í rekstri

Áformar að leggja niður stjórn Sjúkratrygginga Íslands

Birt hafa verið til umsagnar áform heilbrigðisráðherra um lagabreytingu þess efnis að stjórn Sjúkratrygginga Íslands verði lögð niður. Hlutverk forstjóra verður jafnframt skýrt nánar í lögum og hann gerður ábyrgur fyrir þeim verkefnum sem stjórninni hefur hingað til verið falið. Þetta er í samræmi við stefnu stjórnvalda á liðnum árum um að einfalda yfirstjórn stofnana og styður einnig markmið um hagræðingu í ríkisrekstri.

09. apr. 2025Félags- og húsnæðismálaráðuneytið, Heilbrigðisráðuneytið, Málefni eldra fólks

Starfshópur um eflingu og þróun dagdvala á landsvísu skilar tillögum

Inga Sæland, félags- og húsnæðismálaráðherra, hefur tekið á móti skýrslu starfshóps um eflingu og þróun dagdvala á landsvísu. Verkefni hópsins var að koma með tillögur um endurskilgreiningu á hlutverki og markmiðum þjónustu dagdvala þannig að úrræðið styddi betur við þarfir fólks sem býr heima. Þá skyldi hópurinn greina og leggja fram gögn um það hver þörfin væri fyrir dagdvalarrými, bæði almenn og sérhæfð – og hver þörfin væri fyrir lengdan og/eða sveigjanlegan opnunartíma dagdvala.

09. apr. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 3/2025

Útdráttur: Kærð var málsmeðferð embættis landlæknis í kvörtunarmáli samkvæmt 12. gr. laga nr. 41/2007, um landlækni og lýðheilsu. Af kæru kæranda mátti ráða að hann hefði talið að óháður sérfræðingur ætti að kalla hann til skoðunar og meta afleiðingar þeirrar heilbrigðisþjónustu sem hann naut þegar hann gekkst undir aðgerðir á hendi. Í úrskurði ráðuneytisins kom fram að óháður sérfræðingur í málinu hefði lagt mat á það hvort hann þyrfti að skoða hendi kæranda. Það hefði landlæknir einnig gert þegar hann ritaði álit vegna kvörtunarinnar. Í málinu lá fyrir umtalsvert magn gagna um aðgerðirnar sem kærandi gekkst undir svo og myndir af aðgerðarsvæðinu. Þá hafði töluverður tími liðið frá því að aðgerðin átti sér stað og þangað til kærandi kvartaði til landlæknis.…

09. apr. 2025Forsætisráðuneytið, Fjármálaáætlun, Félags- og húsnæðismálaráðuneytið, Fjármála- og efnahagsráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Dómsmálaráðuneytið

Mikilvægur áfangi um úrbætur í öryggisráðstöfunum

Ríkisstjórn Kristrúnar Frostadóttur hefur tekið afgerandi skref um úrbætur í þjónustu og úrræðum fyrir einstaklinga sem sæta þurfa sérstökum öryggisráðstöfunum. Um er að ræða einstaklinga sem geta verið sjálfum sér og öðrum hættulegir en hafa fallið milli þjónustukerfa ríkis og sveitarfélaga. Þessir einstaklingar glíma gjarnan við alvarlegar þroska- og/eða geðraskanir og geta verið ósakhæfir, en einnig sakhæfir sem lokið hafa afplánun og þurfa mikinn stuðning í samfélaginu utan réttarvörslukerfis.

07. apr. 2025Heilbrigðisráðuneytið, Líf og heilsa

Brugðist við vegna heilbrigðisógnar af völdum falsaðra ópíóíða (Nitazene)

Heilbrigðisráðuneytið efndi til skyndifundar í dag með fulltrúum Lyfjastofnunar, Landspítala, embætti landlæknis, tollayfirvalda, lögreglunnar, Rannsóknarstofu í lyfja- og eiturefnafræði, Afstöðu og Matthildi skaðaminnkun, um leiðir til að bregðast við innflutningi ólöglegra og lífshættulegra ópíóíða. Tilefnið var haldlagning Tollsins á miklu magni af fölsuðum töflum sem litu út eins og oxycontin (80 mg.) en innihéldu nitazene. Nitazene er mjög sterkur ópíóíði, framleiddur á ólöglegum tilraunastofum. Vegna mikils styrks efnisins, er veruleg hætta á öndunarstoppi hjá þeim sem neyta þess sem leitt getur til dauða og eru þess mörg dæmi víða um Evrópu þar sem efnið hefur komist í umferð á ólöglegum fíkniefnamarkaði.

07. apr. 2025Heilbrigðisráðuneytið, Líf og heilsa

Geðheilbrigði og stefnumótun í brennidepli á fundi með WHO

Geðheilbrigðismál á Íslandi voru efni samráðsfundar íslenskra heilbrigðisyfirvalda með Alþjóðaheilbrigðismálastofnuninni (WHO) sem fram fór nýverið. Fundurinn er hluti af fundaröð WHO í tengslum við Evrópusambandsverkefnið Addressing Mental Health Challenges in EU Member States, and Norway and Iceland. Markmiðið er að stuðla að framförum í geðheilbrigðismálum með víðtækum og samhæfðum aðgerðum í aðildarríkjum Evrópusambandsins, auk Íslands og Noregs.

02. apr. 2025Heilbrigðisráðuneytið, Líf og heilsa

102 dagar í heilbrigðisráðuneytinu

Ríkisstjórn Samfylkingar, Viðreisnar og Flokks fólksins undir forystu Kristrúnar Frostadóttur forsætisráðherra stendur á tímamótumþar sem 100 dagar eru liðnir frá því að hún tók við Stjórnarráðinu og tveimur dögum betur. Í tilefni þess er hér stiklað á stóru um helstu verk og áherslur Ölmu D. Möller heilbrigðisráðherra frá því að hún tók við embætti heilbrigðisráðherra, 22. desember síðastliðinn.

01. apr. 2025Félags- og húsnæðismálaráðuneytið, Líf og heilsa, Málefni eldra fólks, Heilbrigðisráðuneytið

Samþætt heimaþjónusta við eldra fólk og stórefling dagdvalarþjónustu í Mosfellsbæ

Samningar voru undirritaðir í dag um samþætta heimaþjónustu við íbúa Mosfellsbæjar, aukna dagdvalarþjónustu með fleiri rýmum og stofnun heima-endurhæfingarteymis fyrir fólk í heimahúsum. Með samningunum verður rekstur allrar heimaþjónustu á hendi Eirar sem rekur hjúkrunarheimili og dagdvöl í bæjarfélaginu. Dagdvölin stækkar til muna og verður þar rými fyrir 25 einstaklinga í stað níu áður. Með því að efla og samþætta heima- og dagþjálfunarþjónustu á einni hendi er þess vænst að betur megi sníða hana að einstaklingsbundnum þörfum notenda og bregðast tímanlega við breytingum á aðstæðum þeirra og heilsufari.

01. apr. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 2/2025

Útdráttur: Kærð var ákvörðun embættis landlæknis um að synja umsókn kæranda um sérfræðileyfi á sviði félagsráðgjafar. Í kæru sinni byggði kærandi á að meistaranám hennar í verkefnastjórnun væri sambærilegt meistaranámi á sviði félagsráðgjafar og að hægt væri að meta það til jafns við slíkt nám. Krafðist hún sérfræðileyfis á þeim grundvelli. Í niðurstöðu ráðuneytisins kom fram að skilyrði fyrir veitingu sérfræðileyfis á sviði félagsráðgjafar kæmu fram í 6. gr. reglugerðar nr. 1088/2012. Meðal þeirra skilyrða væri að umsækjandi hafi lokið meistaraprófi eða doktorsprófi í félagsráðgjöf á viðkomandi sérsviði eða sambærilegu framhaldsnámi frá viðurkenndum háskóla, sbr. 2. tölul. 2. mgr. 6. gr.…

01. apr. 2025Heilbrigðisráðuneytið, Líf og heilsa

Sjúkratryggðir greiða 500 kr. fyrir röntgenmynd af brjóstum vegna krabbameinsleitar

Reglugerð Ölmu D. Möller heilbrigðisráðherra sem kveður á um 500 kr. gjald sjúkratryggðra fyrir röntgenmyndatöku (mammography) af brjóstum vegna krabbameinsleitar tók gildi í dag. Gildir þá einu hvort myndatakan er vegna lýðgrundaðrar skimunar, eftirlits í kjölfar krabbameinsleitar eða liður í eftirliti kvenna í áhættuhópi, s.s. vegna BRCA arfgerðar.

31. mar. 2025Heilbrigðisráðuneytið

Stýrihópur skipaður um áfengis- og vímuefnameðferðarkerfið

Alma D. Möller heilbrigðisráðherra hefur skipað stýrihóp með fulltrúum stofnana og félagasamtaka sem sinna áfengis- og vímuefnameðferð til að efla samskipti og samhæfingu milli þjónustuveitenda og stuðla að tímanlegri þjónustu fyrir notendur. Skipun hópsins er í samræmi við tillögur erlends sérfræðings sem falið var að gera stöðumat á áfengis og vímuefnameðferð á Íslandi og skilaði ráðherra skýrslu með niðurstöðum sínum í nóvember síðastliðnum.

31. mar. 2025Mennta- og barnamálaráðuneytið, Heilbrigðisráðuneytið, Innviðaráðuneytið, Dómsmálaráðuneytið

Staða aðgerða gegn ofbeldi meðal barna

Aðgerðahópur vegna ofbeldis meðal barna og gegn börnum hefur nú skilað fyrstu stöðuskýrslu um innleiðingu aðgerða. Aðgerðunum er ætlað að sporna við þróun í átt að auknu ofbeldi, auka forvarnarstarf og leiða saman fjölbreytta þjónustu- og viðbragðsaðila í samstilltu átaki gegn vaxandi ofbeldi meðal barna og ungmenna á Íslandi.

25. mar. 2025Heilbrigðisráðuneytið, Líf og heilsa, Hagsýn í rekstri

Lögskipuðum hæfnisnefndum fækkað um þrjár

Frumvarp Ölmu D. Möller heilbrigðisráðherra um fækkun hæfnisnefnda varð að lögum frá Alþingi í gær. Með því verða lagðar niður þrjár fastar, lögbundnar hæfnisnefndir sem hafa haft það hlutverk að meta hæfni umsækjenda um stöður stjórnenda og millistjórnenda á málefnasviði heilbrigðisráðuneytisins. Með þessu er stefnt að aukinni skilvirkni og hagræðingu innan heilbrigðiskerfisins.

19. mar. 2025Fjármála- og efnahagsráðuneytið, Félags- og húsnæðismálaráðuneytið, Forsætisráðuneytið, Heilbrigðisráðuneytið, Mennta- og barnamálaráðuneytið

Samkomulag í höfn milli ríkis og sveitarfélaga um uppbyggingu hjúkrunarheimila og þjónustu við börn með fjölþættan vanda

Í dag var undirritað samkomulag ríkisins við Samband íslenskra sveitarfélaga; annars vegar um breytta ábyrgðarskiptingu í málefnum barna með fjölþættan vanda og hins vegar um uppbyggingu hjúkrunarheimila. Breytingarnar eru liður í að einfalda verkaskiptingu milli ríkis og sveitarfélaga og styrkja fjárhag sveitarfélaga og taka gildi um mitt þetta ár.

19. mar. 2025Fjármála- og efnahagsráðuneytið, Félags- og húsnæðismálaráðuneytið, Forsætisráðuneytið, Heilbrigðisráðuneytið, Mennta- og barnamálaráðuneytið

Samkomulag í höfn milli ríkis og sveitarfélaga um uppbyggingu hjúkrunarheimila og þjónustu við börn með fjölþættan vanda

Í dag var undirritað samkomulag ríkisins við Samband íslenskra sveitarfélaga; annars vegar um breytta ábyrgðarskiptingu í málefnum barna með fjölþættan vanda og hins vegar um uppbyggingu hjúkrunarheimila. Breytingarnar eru liður í að einfalda verkaskiptingu milli ríkis og sveitarfélaga og styrkja fjárhag sveitarfélaga og taka gildi um mitt þetta ár.

17. mar. 2025Heilbrigðisráðuneytið, Líf og heilsa

Skýrsla starfshóps um framtíð heyrnarþjónustu

Starfshópur sem heilbrigðisráðherra skipaði í júlí á liðnu ári til að móta tillögur um skipulag heyrnarþjónustu til framtíðar hefur skilað skýrslu með umfjöllun sinni og tillögum um framtíðarskipulag þjónustunnar. Áhersla er lögð á notendavæna þjónustu sem taki mið af alvarleika heyrnarskerðingar notendanna og að þjónustan sé veitt í samræmi við það á viðeigandi þjónustustigi. Er þá tekið mið af stigun heilbrigðisþjónustu í fyrsta, annars og þriðja stigs þjónustu í samræmi við íslenska heilbrigðisstefnu til ársins 2030.

17. mar. 2025Heilbrigðisráðuneytið, Líf og heilsa

Skýrsla starfshóps um framtíð heyrnarþjónustu

Starfshópur sem heilbrigðisráðherra skipaði í júlí á liðnu ári til að móta tillögur um skipulag heyrnarþjónustu til framtíðar hefur skilað skýrslu með umfjöllun sinni og tillögum um framtíðarskipulag þjónustunnar. Áhersla er lögð á notendavæna þjónustu sem taki mið af alvarleika heyrnarskerðingar notendanna og að þjónustan sé veitt í samræmi við það á viðeigandi þjónustustigi. Er þá tekið mið af stigun heilbrigðisþjónustu í fyrsta, annars og þriðja stigs þjónustu í samræmi við íslenska heilbrigðisstefnu til ársins 2030.

14. mar. 2025Félags- og húsnæðismálaráðuneytið, Líf og heilsa, Málefni eldra fólks, Heilbrigðisráðuneytið

Breytt skipan öldrunarmála milli ráðuneyta tekur gildi 15. mars

Forsetaúrskurður um breytta skipan ráðuneyta í Stjórnarráðinu tekur gildi á morgun, líkt og greint er frá í frétt á vef forsætisráðuneytisins í dag. Ýmsar breytingar verða á skiptingu öldrunarmála milli heilbrigðisráðuneytis og félags- og vinnumarkaðsráðuneytis sem fær jafnframt nýtt heiti, þ.e. félags- og húsnæðismálaráðuneyti. Hér er gerð nánari grein fyrir því hvað í breytingunum felst varðandi málefni aldraðra.

14. mar. 2025Heilbrigðisráðuneytið, Líf og heilsa

Ísland hefur fengið um 2,4 milljarða kr. í styrki úr áætlun ESB á sviði heilbrigðismála

EU4Health er áætlun Evrópusambandsins (ESB) á sviði heilbrigðismála sem hefur það markmið að styðja við nýjungar á sviði heilbrigðisvísinda, stuðla að umbótum og bættu öryggi heilbrigðisþjónustu, bæta heilsu, fyrirbyggja sjúkdóma og vernda borgara fyrir heilsufarsógnum þvert á landamæri. Núgildandi áætlun ESB sem er fyrir tímabilið 2021-2027 er með fjárhagsáætlun upp á 5,3 milljarða evra til styrkveitinga og hefur umfangið aldrei verið meira. Það sem af er tímabilinu hefur Ísland fengið um 2,4 milljarða kr. í styrki úr áætluninni og má gera ráð fyrir enn frekari styrkveitingum fyrir lok tímabilsins. Heilbrigðisráðherra hvetur stofnanir til að skoða þá möguleika sem felast í þátttöku í heilbrigðisáætlun Evrópusambandsins því ávinningurinn sé mikill.

14. mar. 2025Heilbrigðisráðuneytið, Líf og heilsa

Ráðist í innleiðingu mönnunarviðmiða í hjúkrun á bráðalegudeildum sjúkrahúsa

Alma D. Möller heilbrigðisráðherra hefur falið starfshópi að hefja innleiðingu verklags um mönnunarviðmið í hjúkrun á bráðalegudeildum Landspítala og Sjúkrahússins á Akureyri. Hópnum er m.a. ætlað að kostnaðargreina viðmiðin, skilgreina mælikvarða mönnunar, og hvernig skuli bregðast við ónógri mönnun. Rannsóknir sem gerðar hafa verið á síðustu áratugum benda til þess að sterk tengsl séu á milli mönnunar við hjúkrun og öryggis sjúklinga. Formaður starfshópsins er Guðlaug Rakel Guðjónsdóttir, forstjóri Heilbrigðisstofnunar Suðurnesja. Vinnan byggir á niðurstöðum annars starfshóps sem Guðlaug Rakel fór einnig fyrir og var að mestu skipaður sömu fulltrúum.

12. mar. 2025Heilbrigðisráðuneytið, Líf og heilsa

Nýjar ráðleggingar um mataræði fyrir landsmenn

„Við þurfum að stefna að því að gera holla valkostinn að auðveldasta kostinum“ sagði Alma D. Möller heilbrigðisráðherra í ræðu hjá embætti landlæknis í dag þegar kynntar voru nýjar íslenskar ráðleggingar um mataræði. Slíkar ráðleggingar voru fyrst gefnar út árið 1986 en hafa síðan þá verið endurskoðaðar fjórum sinnum. Í nýju ráðleggingunum er aukin áhersla á grænmeti, ávexti og heilkornavörur, minna ráðlagt af rauðu kjöti en áður og sérstaklega varað við neyslu á unnum kjötvörum. Fjallað er um neyslu orkudrykkja í leiðbeininingunum sem er nýmæli og eru skilaboð embættisins skýr þess efnis að orkudrykkir séu ekki ætlaðir börnum og ungmennum yngri en 18 ára.