Efnisorð
Tegund

Leita eftir efnisorðum

Sýnir 451–500 af 3013
Raða eftir:
11. mar. 2025Heilbrigðisráðuneytið

Að sofa vel án svefnlyfja

Sofduvel.is er nýr upplýsinga- og fræðsluvefur átaks til vitundarvakningar um skaðsemi svefnlyfja. Markmið er að fræða fólk um virkni og margvíslegar aukaverkanir svefnlyfja, stuðla að skynsamlegri notkun þeirra og leiðbeina fólki hvernig það getur bætt svefn sinn án lyfja. Alma D. Möller heilbrigðisráðherra var meðal gesta þegar vitundarvakningunni var ýtt úr vör og ræddi þar um ýmsar skuggahliðar svefnlyfjanotkunar, ekki síst þegar eldra fólk á í hlut. Hún fagnar vitundarvakningunni og leggur áherslu á að til séu öruggari og betri lausnir við svefnvanda en lyf.

10. mar. 2025Heilbrigðisráðuneytið, Líf og heilsa

Heilsuskóla LSH tryggt aukið fjármagn til að efla þjónustu við börn

Alma D. Möller heilbrigðisráðherra hefur tryggt 36 milljóna kr. aukið framlag til Heilsuskóla Barnaspítala Hringsins á þessu ári til að styrkja þverfaglega þjónustu fyrir börn í verulegri ofþyngd og fjölskyldur þeirra. Markvisst er unnið að því að stytta bið barna eftir þessari þjónustu og mæta betur sértækum þörfum þeirra. Eins hefur þörf fyrir aðkomu sérfræðinga að meðferð aukist, m.a. með tilkomu nýjunga á sviði lyfjameðferðar við offitu.

08. mar. 2025Ræður og greinar, Heilbrigðisráðuneytið

Heimilisofbeldi – aðgerðir í þágu þolenda

Heimilisofbeldi er kynbundið ofbeldi og þar eru konur í flestum tilfellum þolendurnir. Sá staður sem er líklegast að konur verði fyrir líkamsárás af hálfu maka er heimilið. Í dag er alþjóðlegur baráttudagur kvenna og þá er ástæða til að minna á þessa staðreynd. Það er mikilvægt að varpa ljósi á vandann og ræða hvað hægt er að gera til að takast á við þetta alvarlega samfélagsmein og helst að útrýma því. Alma D. Möller heilbrigðisráðherra og Drífa Jónasdóttir sérfræðingur í heimilisofbeldismálum skrifuðu um þetta í blaðagrein 8. mars.

07. mar. 2025Heilbrigðisráðuneytið, Líf og heilsa

Fjármagn verði aukið í áfengis- og fíkniefnameðferð á þessu ári

Þörf er á auknu fjármagni til að efla áfengis- og vímuefnameðferð og ljóst að innviðaskuld er í þessum málaflokki, sagði Alma D. Möller heilbrigðisráðherra í sérstakri umræðu á Alþingi í gær. Í sáttmála ríkisstjórnarinnar er fjármögnun meðferðarúrræða vegna vímuefnavanda sérstakt áherslumál og sagði ráðherra stefnt að því að veita 350 milljóna króna viðbótarfjármagni inn í málaflokkinn strax á þessu ári. Heildarfjármagn til málaflokksins er nú rúmlega 3,2 milljarðar króna á ári en nauðsynlegt er að bæta þar við og stendur yfir vinna við greiningu á fjárþörfinni sagði ráðherra. Hún vísaði jafnframt til vinnu starfshóps sem vinnur að heildarstefnu í áfengis- og vímuvörnum sem taka mun til forvarna, meðferðar, eftirfylgni, endurhæfingar og lagaumhverfis.

06. mar. 2025Heilbrigðisráðuneytið, Líf og heilsa

Samræmt verklag fyrir þolendur heimilisofbeldis vekur athygli WHO

Evrópudeild Alþjóðaheilbrigðismálastofnunarinnar (WHO) hefur sýnt áhuga á aðkomu heilbrigðisráðuneytisins að átaki stofnunarinnar til að sporna gegn ofbeldi í garð kvenna og stúlkna. Er þá horft til samræmds verklags fyrir þolendur heimilisofbeldis sem innleitt hefur verið á Landspítala. Sérfræðingur ráðuneytisins sem hefur leitt verkefnið frá upphafi fyrir hönd ráðuneytisins kynnti það á fundi með fulltrúum WHO fyrir skömmu og í framhaldi af kynningunni sýndi stofnunin áhuga á aðkomu ráðuneytisins að fyrrnefndu átaki.

05. mar. 2025Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 1/2025

Kærð var ákvörðun embættis landlæknis um að synja kæranda um sérfræðileyfi í fæðinga- og kvensjúkdóma lækningum. Samkvæmt gögnum málsins hafði kærandi hafið sérnám í fæðinga- og kvensjúkdómalækningum erlendis og lokið þar fyrsta ári sérnámsins. Að því loknu hafi kærandi komið aftur til Íslands og haldið sérnámi sínu áfram á Landspítala. Samkvæmt gögnum málsins lauk kærandi öðru og þriðja ári sérnámsins á Landspítala. Kærandi hélt því fram að hún hefði að auki lokið fjórða ári sérnáms sína á Landspítala en það var ekki í samræmi við upplýsingar frá Landspítala. Undir rekstri málsins óskaði ráðuneytið eftir upplýsingum um tilhögun sérnáms frá Landspítala. Í svari Landspítala kom m.a.…

03. mar. 2025Heilbrigðisráðuneytið, Líf og heilsa

Vegna loka samnings við Janus endurhæfingu 1. júní næstkomandi

Vegna yfirlýsingar Janusar endurhæfingar í dag varðandi samning við VIRK Starfsendurhæfingarsjóð og Sjúkratryggingar Íslands (SÍ) fyrir hönd heilbrigðisráðuneytisins vilja VIRK og ráðuneytið taka fram að þjónusta við þá einstaklinga sem verið hafa í endurhæfingu hjá Janusi samkvæmt samningnum verður áfram tryggð og munu VIRK, heilbrigðisráðuneytið og stofnanir þess vinna að leiðum til að tryggja það á næstu mánuðum. VIRK hefur í dag sent þjónustuþegum samningsins upplýsingar í gegnum „mínar síður“ um að þeim verði tryggð viðeigandi þónusta eftir að samningnum við Janus lýkur 1. júní næstkomandi.

25. feb. 2025Heilbrigðisráðuneytið, Líf og heilsa

Ráðherra heimsótti Heilbrigðisstofnun Suðurlands

Alma D. Möller heilbrigðisráðherra heimsótti í gær Heilbrigðisstofnun Suðurlands á Selfossi (HSU), kynnti sér starfsemina á ýmsum einingum stofnunarinnar, ræddi við starfsfólk og fundaði með stjórnendum. HSU veitir heilsugæslu-, sjúkrahús- og öldrunarþjónustu í heilbrigðisumdæminu sem nær allt frá Þorlákshöfn í vestri, austur á Höfn í Hornafirði og sinnir auk þess sjúkraflutningum um allt Suðurland. Forstjóri stofnunarinnar er Díana Óskarsdóttir.

20. feb. 2025Félags- og húsnæðismálaráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Dómsmálaráðuneytið

Tryggjum úrræði fyrir börn

Ráðherranefnd um málefni barna fundaði í gær um alvarlega stöðu mála vegna neyðarvistunar og úrræða fyrir börn með fjölþættan vanda. Nefndin er einhuga um að leita lausna sem fyrst á þeim bráðavanda sem uppi er og að hefja skuli vinnu við að tryggja úrræði fyrir börn með fjölþættan vanda.

18. feb. 2025Heilbrigðisráðuneytið, Líf og heilsa

Ný skýrsla WHO: Áframhaldandi einkasala ríkisins á áfengi er mikilvægt lýðheilsumál

Einkasala ríkisins á áfengi er mikilvægur og árangursríkur hluti af áfengisstefnu Norðurlandaþjóðanna samkvæmt nýrri skýrslu Alþjóðaheilbrigðismálastofnunarinnar (WHO). Norðurlöndin, að Danmörku frátalinni, eru öll með ríkiseinkasölu áfengis. Samkvæmt skýrslunni er heildarneysla áfengis mun minni hjá þessum þjóðum en í öðrum Evrópulöndum þar sem verslunin er frjáls. Niðurstaða skýrslunnar er sú að afnám einkasölu myndi að öllum líkindum leiða til aukinnar áfengisneyslu, heilsutjóns og félagslegra vandamála.

13. feb. 2025Heilbrigðisráðuneytið

Hefur mælt fyrir fimm af 11 þingmálum sínum á Alþingi

Alma D. Möller heilbrigðisráðherra mælti á Alþingi í gær fyrir tillögu til þingsályktunar um aðgerðaáætlun í krabbameinsmálum og aðgerðaáætlun gegn útbreiðslu sýklalyfjaónæmis. Þar með hefur hún mælt fyrir fimm af þeim 11 þingmálum heilbrigðisráðherra sem eru á þingmálaskrá ríkisstjórnarinnar, þegar á fyrstu tveimur dögum þingsins. Hin þingmálin eru frumvarp til breytinga á lögum um heilbrigðisþjónustu, frumvarp til breytinga á lögum um landlækni og lýðheilsu og frumvarp til breytinga á lyfjalögum og lögum um lækningatæki.

09. feb. 2025Félags- og húsnæðismálaráðuneytið, Heilbrigðisráðuneytið

64 ný hjúkrunarrými á Hrafnistu í Kópavogi

Félags- og húsnæðismálaráðherra, heilbrigðisráðherra, bæjarstjóri Kópavogs og forráðamenn Hrafnistu opnuðu í dag nýtt 64 rýma hjúkrunarheimili í Boðaþingi í Kópavogi. Fyrir eru 44 rými í Boðaþingi og eru hjúkrunarrýmin þannig orðin 108 talsins. Óhætt er að segja að um mikilvægan áfanga sé að ræða í uppbyggingu hjúkrunarheimila hér á landi, enda eru biðlistar langir, ekki síst á höfuðborgarsvæðinu. Eignarhald er sameiginlega á hendi ríkisins og Kópavogsbæjar en Hrafnista annast reksturinn.

09. feb. 2025Félags- og húsnæðismálaráðuneytið, Heilbrigðisráðuneytið

64 ný hjúkrunarrými á Hrafnistu í Kópavogi

Félags- og húsnæðismálaráðherra, heilbrigðisráðherra, bæjarstjóri Kópavogs og forráðamenn Hrafnistu opnuðu í dag nýtt 64 rýma hjúkrunarheimili í Boðaþingi í Kópavogi. Fyrir eru 44 rými í Boðaþingi og eru hjúkrunarrýmin þannig orðin 108 talsins. Óhætt er að segja að um mikilvægan áfanga sé að ræða í uppbyggingu hjúkrunarheimila hér á landi, enda eru biðlistar langir, ekki síst á höfuðborgarsvæðinu. Eignarhald er sameiginlega á hendi ríkisins og Kópavogsbæjar en Hrafnista annast reksturinn.

07. feb. 2025Heilbrigðisráðuneytið, Líf og heilsa

Geðheilsumiðstöð barna efld með áherslu á styttri bið eftir þjónustu

Alma D. Möller heilbrigðisráðherra tilkynnti í dag um aukið fjármagn til Geðheilsumiðstöðvar barna (GMB). Þetta gerir GMB kleift að fjölga stöðugildum í greiningarteymum miðstöðvarinnar um tvö í því skyni ​að stytta bið barna eftir þjónustu. Miðstöðin veitir annars stigs geðheilbrigðisþjónustu fyrir börn og fjölskyldur þeirra um allt land. „Þessi ákvörðun endurspeglar áherslu ríkisstjórnarinnar á að stytta bið barna eftir mikilvægri þjónustu og setja geðheilbrigðismál í forgang. Ég er sannfærð um að þetta er góð ákvörðun, því þörfin er brýn og með þessu fjárfestum við jafnframt í framtíðinni“ segir Alma.

06. feb. 2025Heilbrigðisráðuneytið

Breyting á reglugerð um iðgjald vegna sjúklingatryggingar

Alma D. Möller heilbrigðisráðherra hefur staðfest breytingu á reglugerð um iðgjald vegna sjúklingatryggingar. Breytingin felur í sér víðtækari skilgreiningu á starfssambandi rekstraraðila við starfsfólk og þar með hvenær heilbrigðisstarfsmaður telst starfsmaður tiltekinnar starfseiningar eða sjálfstætt starfandi. Þetta gerir kleift að fella fleiri en einungis launþega undir sjúklingatryggingu rekstraraðila.

05. feb. 2025Heilbrigðisráðuneytið, Líf og heilsa

Til umsagnar: Drög að aðgerðaáætlun til að fækka sjálfsvígum á Íslandi

Drög að aðgerðaáætlun til að fækka sjálfsvígum á Íslandi hafa verið birt í samráðsgátt stjórnvalda. Áætlunin tekur til áranna 2025 til 2030. Í henni eru lagðar til 26 aðgerðir sem snúa að öllum stigum sjálfsvígsforvarna; forvörnum, íhlutunum og stuðningi eftir sjálfsvíg. Sjálfsvíg eru alvarlegur lýðheilsuvandi sem hefur víðtækar afleiðingar fyrir samfélagið allt. Árangursrík aðgerðaáætlun er því mikilvæg til að stuðla að bættri heilsu landsmanna.

31. jan. 2025Félags- og húsnæðismálaráðuneytið, Heilbrigðisráðuneytið

Margrét Guðnadóttir ráðinn forstöðumaður Miðstöðvar í öldrunarfræðum

Margrét Guðnadóttir hefur verið ráðin forstöðumaður Miðstöðvar í öldrunarfræðum. Miðstöðin er starfrækt undir heilbrigðisvísindastofnun Háskóla Íslands í samvinnu við Landspítala. Hún hefur það að markmiði að efla nýsköpun og þróun í þjónustu við eldra fólk, meðal annars með því að styrkja samstarf fræðimanna á sviði öldrunarfræða og safna saman á einn stað heildstæðum upplýsingum um stöðu eldra fólks á Íslandi.

27. jan. 2025Heilbrigðisráðuneytið, Líf og heilsa

Unnið að skilgreiningu á hlutverki SAk sem varasjúkrahúss

Alma D. Möller heilbrigðisráðherra hefur falið starfshópi að skilgreina hvaða kröfur Sjúkrahúsið á Akureyri (SAk) þurfi að uppfylla til að geta sinnt lögbundnu hlutverki sínu sem varasjúkrahús Landspítala (LSH). Í lögum um heilbrigðisþjónustu er kveðið á um að SAk sé varasjúkrahús LSH en hvergi er skilgreint hvað felist í því hlutverki. „Þetta þarf að vera skýrt ef á reynir, þ.e. hvaða þjónustu sjúkrahúsið þarf að geta veitt og hvaða búnaður þarf að vera fyrir hendi, einkum á sviði bráðaþjónustu“ segir heilbrigðisráðherra.

09. jan. 2025Heilbrigðisráðuneytið, Líf og heilsa

Breytingar á sjúklingatryggingu tóku gildi 1. janúar

Ný lög um sjúklingatryggingu tóku gildi 1. janúar síðastliðinn, ásamt nýrri reglugerð um iðgjöld vegna sjúklingatryggingar. Lögin fela í sér ýmsar breytingar sem styrkja réttarstöðu sjúklinga sem verða fyrir heilsutjóni í tengslum við veitta heilbrigðisþjónustu. Verklag við meðferð bótamála hefur verið samræmt og hámarksbætur hækkaðar um 50%, úr u.þ.b. 14 m.kr. í 21 m.kr.

21. des. 2024Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 31/2024

Útdráttur: Kærður var málshraði embættis landlæknis í máli sem varðaði tilkynningu um rekstur heilbrigðisþjónustu til embættisins. Í málinu hélt kærandi því fram að málsmeðferð embættisins í málinu hefði dregist óhæfilega. Þá hefði embættið ekki gert tilraun til að upplýsa kæranda um hvenær ákvörðunar væri að vænta í málinu svo sem kærandi óskaði ítrekað eftir. Embætti landlæknis hélt því fram að um fordæmalaust mál væri að ræða og hefja þyrfti málsmeðferð þess að nýju frá grunni, en málið hefur áður komið til kasta ráðuneytisins. Í niðurstöðu ráðuneytisins kom fram að embættið hefði boðað tiltekna viðamikla málsmeðferð án þess að gera tilraun til að marka henni tímaramma eða upplýsa kæranda um mögulegan málsmeðferðartíma. Var málsmeðferð embættisins af þeim sökum talin fara í bága við 3.…

20. des. 2024Úrskurðir heilbrigðisráðuneytis, Úrskurðir, Heilbrigðisráðuneytið

Úrskurður nr. 30/2024

Útdráttur: Kærður var málshraði embættis landlæknis í máli sem varðaði tilkynningu um breytingu á rekstri í heilbrigðisþjónustu. Í málinu hélt kærandi fram að málið hefði dregist úr hófi fram. Þá hefðu engar upplýsingar borist frá embættinu um mögulegan málsmeðferðartíma eða hvenær ákvörðunar væri að vænta. Þá hefði málið áður verið til meðferðar hjá embættinu sem hefði engu að síður talið að tilkynningin krefðist ítarlegrar rannsóknar. Í niðurstöðu ráðuneytisins kom fram að embættið hefði ekki óskað eftir umsögnum við fyrsta hentugleika svo sem kveðið er á um í stjórnsýslulögum. Þar sé jafnframt kveðið á um skyldu til að upplýsa um fyrirsjáanlegar tafir á máli og hvenær ákvörðunar sé að vænta, sbr. 2. og 3. mgr. 9. gr. stjórnsýslulaga nr. 37/1993.…

17. des. 2024Heilbrigðisráðuneytið, Líf og heilsa

Samningur við MetamorPhonics um endurhæfingu og inngildingu

Ráðherrar heilbrigðisráðuneytis, félags- og vinnumarkaðsráðuneytis, mennta- og barnamálaráðuneytis og menningar- og viðskiptaráðuneytis undirrituðu fyrir skömmu styrktarsamning við MetamorPhonics um frumkvöðla- og samstarfsverkefni á sviði endurhæfingar. Samningurinn, sem gildir frá ársbyrjun 2025 til ársloka 2026, miðar að því að styðja við tónlistarverkefni sem nýtist einstaklingum í endurhæfingu. Endurhæfingarstarfið felst í námskeiðum og þátttöku í tónlistarsmiðjum. Áhersla er lögð á þátttöku fólks með geðvanda sem þurfa aðstoð til aukinnar þátttöku í samfélaginu og vinna þannig gegn jaðarsetningu hópsins. Verkefnið er unnið í samstarfi MetamorPhonics við Listaháskóla Íslands, Tónlistarborginga Reykjavík, Hörpu og starfsendurhæfingarstöðvar um allt land.

17. des. 2024Heilbrigðisráðuneytið

Embætti landlæknis laust til umsóknar

Heilbrigðisráðuneytið hefur auglýst embætti landlæknis laust til umsóknar. Um embættið fer samkvæmt lögum nr. 41/2007, um landlækni og lýðheilsu. Umsóknarfrestur er til 6. janúar næstkomandi. Skipað verður í embættið frá 1. mars 2025. Heilbrigðisráðherra fer með yfirstjórn heilbrigðismála og skipar landlækni til fimm ára í senn að fengnu mati nefndar skv. 9. gr. laga um heilbrigðisþjónustu, nr. 40/2007.

13. des. 2024Forsætisráðuneytið, Dómsmálaráðuneytið, Fjármála- og efnahagsráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Félags- og húsnæðismálaráðuneytið

Unnið að úrbótum úrræða og þjónustu vegna einstaklinga sem nauðsynlegt þykir að sæti sérstökum öryggisráðstöfunum

Minnisblað með fyrstu tillögum starfshóps sjö ráðuneyta um úrbætur á úrræðum og þjónustu vegna einstaklinga sem nauðsynlegt þykir að sæti sérstökum öryggisráðstöfunum var kynnt á fundi ríkisstjórnar í dag.

10. des. 2024Heilbrigðisráðuneytið, Líf og heilsa

Verkefnastyrkir til fjarheilbrigðisþjónustu á grundvelli byggðaáætlunar

Heilbrigðisráðuneytið hefur ákveðið úthlutun styrkja til verkefna á sviði fjarheilbrigðisþjónustu á grundvelli byggðaáætlunar stjórnvalda. Kallað var eftir tillögum að verkefnum frá stofnunum heilbrigðisráðuneytisins. Alls bárust umsóknir um styrki til níu verkefna frá sex stofnunum. Við úthlutun styrkja var byggt á forgangsröðun í heilbrigðiskerfinu og ætlaðan ávinning af verkefnunum. Fimm verkefni hlutu styrk, samtals 43,2 milljónir króna.

09. des. 2024Rit og skýrslur, Líf og heilsa, Heilbrigðisráðuneytið

Stöðumat á lyfjafræðilegri þjónustu íslenskra apóteka í samanburði við nágrannalönd og tillögur - Skýrsla starfshóps - hvítbók

desember 2024 / Heilbrigðisráðuneytið Stöðumat á lyfjafræðilegri þjónustu íslenskra apóteka í samanburði við nágrannalönd og tillögur - Skýrsla starfshóps - hvítbók Stöðumat á lyfjafræðilegri þjónustu íslenskra apóteka í samanburði við nágrannalönd og tillögur - Skýrsla starfshóps - hvítbók